影片
更多
2021-03-14
537 浏览
铜锣湾535嘅地库有好多餐厅，我几乎全部食匀哂，呢日就食埋新开嘅「段纯贞牛肉面」，嚟个大满贯。由于买咗飞夜晚睇戏🎬，所以就早啲食晚饭，估唔到嘅系同我哋五点钟一样咁早食Dinner嘅人都有唔少，哈哈。过江龙店令我有所期望，但同时亦怕失望，因为真系中过唔少次伏🙈。香港有唔少台湾食店，不过有卖牛肉面嘅就唔算多，所以我更一直都揾唔到间好食嘅...，直至今日终于有开心大发现。未食之前我喺度谂，即使呢餐唔好食，但我都唔会好嬲，因为佢定价唔算贵😃。每人一碗面同饮品，再加份小食一齐分享，人均消费都系百头左右，喺铜锣湾地段算系咁啦。原味牛肉面($84)，🐮牛肉面系招牌菜，每枱客人都必定会点。不过呢度唔止得一款，汤底同𩠌料均有多个选项，故演化成十二个唔同嘅组合。我哋就拣咗最原汁原味嘅原味牛肉面，咁先至试到最正宗味道。以新鲜牛油同多种食材及中药熬煮出嘅牛骨汤底好饮㖞🤤，我成碗饮哂！汤头唔会死咸同重味精，而且仲一啲都唔油，爽，食得出系经过用心调配。牛肉呈条状，好大件，大约有四件，肉质有弹性，食落好有满足感。另外，仲搭配咗两条小棠菜添。汤面嘅面条配咗手工面🍜，店员介绍呢款即系有啲似刀削面，厚薄不一系佢嘅特色。佢
铜锣湾535嘅地库有好多餐厅，我几乎全部食匀哂，呢日就食埋新开嘅「段纯贞牛肉面」，嚟个大满贯。由于买咗飞夜晚睇戏🎬，所以就早啲食晚饭，估唔到嘅系同我哋五点钟一样咁早食Dinner嘅人都有唔少，哈哈。
过江龙店令我有所期望，但同时亦怕失望，因为真系中过唔少次伏🙈。香港有唔少台湾食店，不过有卖牛肉面嘅就唔算多，所以我更一直都揾唔到间好食嘅...，直至今日终于有开心大发现。
未食之前我喺度谂，即使呢餐唔好食，但我都唔会好嬲，因为佢定价唔算贵😃。每人一碗面同饮品，再加份小食一齐分享，人均消费都系百头左右，喺铜锣湾地段算系咁啦。
原味牛肉面
$84
4 浏览
0 赞好
0 留言
原味牛肉面($84)，🐮牛肉面系招牌菜，每枱客人都必定会点。不过呢度唔止得一款，汤底同𩠌料均有多个选项，故演化成十二个唔同嘅组合。我哋就拣咗最原汁原味嘅原味牛肉面，咁先至试到最正宗味道。以新鲜牛油同多种食材及中药熬煮出嘅牛骨汤底好饮㖞🤤，我成碗饮哂！汤头唔会死咸同重味精，而且仲一啲都唔油，爽，食得出系经过用心调配。牛肉呈条状，好大件，大约有四件，肉质有弹性，食落好有满足感。另外，仲搭配咗两条小棠菜添。
汤面嘅面条配咗手工面🍜，店员介绍呢款即系有啲似刀削面，厚薄不一系佢嘅特色。佢比我想像中更粗身，粗到好似凉皮咁，口感一流又够滑。面条唔多，但一啖系啜唔哂一条㗎，好玩又好食，而且亦好饱肚。
青花椒香手撕鸡干拌面
$76
8 浏览
0 赞好
0 留言
青花椒香手撕鸡干拌面($76)，牛肉面系好食，不过呢个拌面更令我喜出望外，因为𠮶浸青花椒香味真系正到不得了😋。佢完美演绎出何谓「麻而不辣」，啱哂啲钟意「麻」但又唔食得辣嘅人(即系我)。好味道、好味道、好味道，重要嘅嘢要讲三次！酱汁集中喺底，要捞匀先好食啊。拌面嘅配料有🐔鸡丝、花生同芽菜等，份量唔孤寒，每啖都食到。佢只溏心蛋亦系意想唔到嘅味道🥚，因为蛋白醋味强、微微酸，几得意。
拌面嘅面条就配咗细面，呢款嘅造型同面质都同手工面大不同，佢嘅密度高好多，挂汁就最适合不过🈴️。但唔知系咪放耐咗嘅关系(因为我哋先食汤面)，细面有少少糊，但未到烂，捞返汁就OK，整体无影响。
面食配有腌菜小食，份量唔多，但啱啱好。味道亦好到位，咸酸度拿捏得恰到好处，好开胃😛。
红油抄手
$48
5 浏览
0 赞好
0 留言
红油抄手($48)，一上枱嘅时候我唔知呢碟系乜嚟，因为只系见到一大堆芽菜。拨开芽菜先见到抄手，🥟抄手有五只，数量偏少，但胜在只只都皮薄馅靓，似鲜虾云吞多过鲜肉饺子。酱汁应该系用上豆瓣酱，因为有唔少碎粒，🌶辣度亦几劲下。呢道菜同我平日食开嘅都几唔同，好有特色。
饮品方面，我哋要咗冻香芋珍珠奶茶($28)同爱玉蜂蜜西柠特饮($30)，两杯味道其实都唔错😗，但比起食物水准就无咁出众。前者好香芋头味，珍珠系用上细粒𠮶种，有嚼劲。后者我略嫌偏甜，而且比我感觉有啲似茶记嘅冻柠蜜🍋。
总括嚟讲，段纯贞代表住独特嘅台湾好滋味🇹🇼，佢嘅出品好食得来仲要富有自家风味。碗底写住「独门二十三香 以香传乡」，餐厅真系切实做到了。食物以外嘅部份亦令人满意，包括环境舒适、店员服务态度友善以及定价合理，推介🌟！
张贴
