影片
更多
2024-09-13
3707 浏览
耐唔耐就想疯狂食刺身同寿司，约埋志趣相投嘅朋友任饮任食一番真系好爽，所以一定会拣间性价比高嘅日式放题，「殿 大喜屋」店如其名系日式放题中嘅殿堂级数，都帮衬过无数次，价钱同质素绝对满足到我呢种刺身狂。餐厅宽敞楼底高，独立卡座坐得舒服，我哋用QR code落单。餐厅另设有自助区，但有别于其他日式放题，就系多咗一个我最钟意嘅海胆同拖罗蓉自助专区，佢即叫即做即取即食，以三百几蚊一位嚟讲已经回晒本，想食就最好book定位。⊙海胆、拖罗蓉自助专区⦿海胆手卷选用北海道海胆，够creamy劲鲜甜，即做即食嘅好处系紫菜保持脆卜卜，饭团又够细嚿。⦿海胆拖罗蓉鳕鱼脆脆海胆、拖罗蓉同三文鱼籽天生已经系perfect match，今次加埋鳕鱼脆脆充满新鲜感，入口脆卜卜加上软绵绵口感，层次超丰富又鲜甜，好想一直食落去。⊙刺身入座后即刻点转刺身，刺身款式好多又高质，净系拖罗刺身任食已经无得输，厚切肥美，松叶蟹脚海水味浓，池鱼王、三文鱼、油金鱼、北寄贝、赤贝、海赤虾、甜虾，个人就最钟意带子够鲜甜，点完后上菜好快，摆盘又靓，齐晒无漏单，净系呢盘刺身已经超值。仲有章红鱼薄切配酸汁，清新开胃。⊙寿司寿司款式多：卷物、军舰、
餐厅宽敞楼底高，独立卡座坐得舒服，我哋用QR code落单。餐厅另设有自助区，但有别于其他日式放题，就系多咗一个我最钟意嘅海胆同拖罗蓉自助专区，佢即叫即做即取即食，以三百几蚊一位嚟讲已经回晒本，想食就最好book定位。
海胆手卷
2798 浏览
2 赞好
0 留言
⦿海胆手卷
选用北海道海胆，够creamy劲鲜甜，即做即食嘅好处系紫菜保持脆卜卜，饭团又够细嚿。
海胆拖罗蓉鳕鱼脆脆
532 浏览
0 赞好
0 留言
海胆、拖罗蓉同三文鱼籽天生已经系perfect match，今次加埋鳕鱼脆脆充满新鲜感，入口脆卜卜加上软绵绵口感，层次超丰富又鲜甜，好想一直食落去。
拖罗刺身、池鱼王刺身、油甘鱼刺身、三文鱼刺身
271 浏览
0 赞好
0 留言
章红鱼薄切
140 浏览
0 赞好
0 留言
入座后即刻点转刺身，刺身款式好多又高质，净系拖罗刺身任食已经无得输，厚切肥美，松叶蟹脚海水味浓，池鱼王、三文鱼、油金鱼、北寄贝、赤贝、海赤虾、甜虾，个人就最钟意带子够鲜甜，点完后上菜好快，摆盘又靓，齐晒无漏单，净系呢盘刺身已经超值。仲有章红鱼薄切配酸汁，清新开胃。
柚子胡椒和牛烧寿司、黑蒜酱烧左口鱼边寿司、海胆酱烧三文鱼
142 浏览
0 赞好
0 留言
寿司款式多：卷物、军舰、火焰，仲有创作寿司，试唔晒全部。
⦿柚子胡椒和牛烧寿司
半熟和牛入口柔嫩，轻焰后油脂丰腴，配柚子胡椒充满辛香风味。
⦿黑蒜酱烧左口鱼边寿司
黑蒜酱香浓，火焰后充满鱼油香。
黑松露油甘鱼寿司、鱼子酱吞拿鱼寿司、海胆赤虾、三文鱼腩寿司
192 浏览
0 赞好
0 留言
油脂丰富，配点黑松露更提鲜。
蟹油蒜香火炙鲜带子、滋味皇帝蟹棒寿司
146 浏览
0 赞好
0 留言
经火焰后爆发蟹油蒜蓉香气，带子肉厚实，鲜味十足，必食推介。
川烧珍宝鲜蚝烧
148 浏览
1 赞好
0 留言
上枱热辣辣，烧蚝可以保存到蚝肉水份，入口饱满多汁，加入大量生熟蒜蓉，蒜香衬晒蚝嘅鲜味。
花雕醉鲍鱼
1775 浏览
2 赞好
0 留言
都唔细只，鲍鱼爽口弹牙，花雕味浓厚入味。
殿堂级铁板鹅肝厚多士
274 浏览
0 赞好
0 留言
厚切鹅肝大件热辣辣，表面有薄脆浆包住，外脆内软，入口即化口感，口腔内充满油香，配埋块厚多士真系一大享受，食过一定会再encore。
法式红酒蓝莓鹅肝
191 浏览
0 赞好
0 留言
一次过试晒冷热鹅肝，冻食鹅肝清爽丝滑，相对地无咁漏，配蓝莓酱同苹果片，油香中带点果甜。
金汤烩花胶
117 浏览
0 赞好
0 留言
花胶大件份量十足，金汤好浓郁，我食一客就够了，要留肚试其他。
黑松露溏心蛋
179 浏览
0 赞好
0 留言
蛋入味，流心蛋黄湿润配黑松露好夹，仲有粒粒蟹籽，半只一啖食晒层次丰富。
⊙自助区⦿冷盘
有多款前菜、沙律、生果、翡翠螺、熟冻虾、青口、烟三文鱼无间断供应。放题成盘榴梿蓉任𢳂唔嬲，啱晒榴梿控，都几疯狂。
⦿热盘多款热盘：麻辣小龙虾、盐水鸭、避风塘炒濑尿虾⋯⋯每次出去都唔担心无菜出，补给极有效率，仲会周不时换吓新菜色式。虫草花胶乌鸡汤、椰汁雪耳炖奶，食得多刺身都会想饮碗汤暖吓胃。
⦿饮品区饮品放满几个大雪柜：汽水、茶类、果汁⋯⋯款式多不胜数，多款自家制冷泡茶，最正仲有珍珠奶茶。另外冷热清酒、梅酒、韩国真露、椰青水⋯⋯任你自由斟。
⦿甜品区冻柜放满布甸、马卡龙、芋圆、糯米糍、豆腐花、港式奶茶、杨枝甘露⋯⋯仲有白兔造型酸奶好可爱，各种名牌雪糕雪条任饮任食，眼花撩乱，自助软雪糕机俾你自己唧软雪糕。
烟三文鱼黑椒牛柳芒果沙律卷
138 浏览
0 赞好
0 留言
地址：尖沙咀金巴利道26号1楼
张贴
