Hunky Dory

营业中

休息中

今年母亲节选择了去食西餐，因为中餐阿妈唔钟意，自助餐母亲节正日又好贵又难揾到位。科学园一定少人好多，见呢间西餐厅OpenRice 好多好评，环境又唔错，就试吓啦。当日去到大约8成满客人，我哋一行6大2小，叫咗好多菜色，最好食系健力士牛肉批，系啱啱焗好，皮松脆，里面好多牛肉粒，season 得几好。烧烤拼盘有牛扒，猪肋骨，鸡半只同一啲蔬菜，比较干又已经冻咗。大虾意大利烩饭，大虾一大只，买相吸引，水准可以。黑松露忌廉天使面，充满忌廉汁。汉堡包好大份我冇食到，另外再叫一大份猪肋骨，铺上大量bbq酱，好味。呢到环境几好，又服务唔错，值得聚会时去，尤其啱揸车人士。