富臨皇宮 (已結業)

一年一度都预左茶楼加价，无所谓嘅当系比人赚下啦，是日无左特价点心，正常点心加价，茶钱亦加到9蚊位。叉烧餐包（$28）本来中点（$17.8）的叉烧餐包加到$28，哈哈，价格大幅上涨，不过新出炉热辣辣软绵绵都几好味。豉汁蒸凤爪（$28）凤爪好入味，酱汁好浓，最紧要系妈妈至爱呢款点心嘛。家乡咸肉粽（$48）上枱时只粽仲系包实，点心呀姐话系咁㗎，衞生吖嘛，茶楼系不会拆开的。系㗎咩？印象中好似一向都拆开卖？Anyways，只粽几好食，咸咸地入面有肥猪肉，咸蛋黄咁，仲混左红绿豆，软绵绵口感不错。燕窝炖椰皇（$58）甜品价钱都升级左，啲料当然亦矜贵左。啲炖奶好有椰香，确实好味过平时的双皮奶，但燕窝个人唔识欣赏，咸咸地腥腥地咁，奇奇怪怪？母亲节点心纸坐位上无价钱牌，要睇返单先知加左几多，虽然都预左，但比平时真系贵左好多（苦笑）。叉烧餐包入左榴梿包，柜台话系一样嘅，呀…原来仲食左肠粉无影相，唔唔…两百蚊两个人，ok啦。