芳記廚房

营业中

休息中

一行7人提早母亲节饭，今次就黎试下芳记厨房私房菜食下。我地食7点，去到已经开始多人。好在有订位，唔洗等就有位。由于有大肚婆关系，芳姐非常贴心准备了响螺炖水鸭汤，个汤好甜好润，一盅够每人饮3碗，饮汤都饱。👍因为老豆想食蟹，所以芳姐为我地准备了蛋白蒸蟹，我本身唔系好食蟹都觉得好好食，啲蛋白索晒蟹精华，好香好有味。😘其余𩠌菜重有海参炆鸡：鸡系新鲜鸡，有鸡味。煎英仓鱼：仓鱼相对普通左啲，正正常常。豆腐肉碎煎蛋：比预期好食，豆腐同蛋比例啱啱好，豆腐同蛋都整得好滑唔老，有惊喜。梅菜扣肉：扣肉系入口即溶😃上汤肉碎水瓜苗：水瓜苗等一次食，感觉好爽好有咬口，无渣的。羌汁炖奶：炖奶都滑滑的整体黎讲食物质量质素兼备，大家都食到爆肚，有下次下次再试其他菜。