芳記廚房

营业中

休息中

位於天空之城，充滿狗狗friendly 餐廳，依間中色餐廳原來係唔歡迎狗狗 當時落雨，氣溫達35度，人都中暑。，狗狗都好辛苦諗住帶狗狗去一間餐廳抖下食下野。點知去到，男及女中年店員分別 出黎話唔歡迎狗狗入來，話會話俾食環署聽，只可以坐係垃圾桶同廁所隔離既無冷氣户外位，人都未必頂得順。逼於無奈，我地去旁邊既餐廳。點知感覺同態度完全唔一樣。店家非常歡迎狗狗而且仲俾坐室內冷氣座，佢仲話我知依度大部分既餐廳都係pet friendly張心比己，狗狗都係生命，芳記對待狗狗既態度真係髮指，原來狗狗會咁唔受歡迎

今日朋友帶我去威威Lunch食半私房菜，認識到隱世廚神芳姐，連D汁都係真心秘製好好味，真正出色。先來一個鮮橙汁菠蘿冰，好解渴，D菠蘿冰其實係原粒菠蘿冰芳記招牌鹽焗雞：雞肉好嫩，雞皮好香。清酒鮑魚：d鮑魚都幾大隻，外脆內軟，個清酒汁好香，被娃娃菜吸晒啲精華。淮山杞子游水石崇魚湯：非常足料的老火湯，老闆話對傷口愈合非常好。黃皮老虎斑︰今次呢條係野生嘅，所以D肉質比較有彈性，有豐富骨膠原，真係識人好過識字，就算買到條靚斑都要師傅有咁嘅功力。脆肉瓜肉片：個汁煮得好好味，當然d材料夠新鮮都好重要啦。白灼油蝦：呢期當造，限量供應，好鮮甜。豆腐煎蛋：呢個超驚喜好味可能因為一開頭諗住無乜特別啦。煎蛋好香而撈喺入面的豆腐好滑。

朋友介紹去元朗天空之城食下嘢。由東九龍駕車入去，都唔算遠，大約四十分鐘便抵達。聽個名以為同天空之鏡的景觀有什麼關係，不要想多了。不過，也不失為駕車入去元朗食嘢的一個落腳點。（晚市要否預訂枱，未詳）今次選了芳記。平日午餐，當然不用訂位，小小店，枱不多，五六張四人枱為主，熟客居多，外賣也不少。人手有限，叫餐上菜需時。招呼不要期望太多，便不會失望。😒價錢同市區的私房菜小店差不多。水準也不錯，其中薑醋雞未在外面食過，較特色，也好味，半隻$160，份量也不少。另外叫了一條梅菜蒸時魚$280。再加了兩份午市套餐蠔仔煎蛋、上湯魚松菜，各$65@，沒有欺場，我對上湯魚松菜特別喜好。白飯也沒有馬虎，米香軟熟。後加特色飲品，紅茶菠蘿冰、鮮橙汁菠蘿冰，值得推介。如果不要過分期望服務及超值優惠，其實入去元朗覓食探險，也不錯呀！😚😎

有免費三七茶飲，老闆娘話對健康有益。 午餐份量ok，唔貴因爲覺得用料新鮮， 食了肉餅$50，好野味。 不過冇諗過雞扒是炸的， 所以覺得熱氣。 兩人午餐$115，又冇加一，好過去商場排隊。 招呼都普通啦， 打工既你想佢點？ 環境唔迫就已經幾好了。 碗飯好大碗而且幾好食。

原本團年開開心心食飯，但呢間野劏到客人一頸血。七大一細，茶餐廳格局，埋單$4000。鹹魚蒸肉餅$280？？以後唔會再去，各位飯友千祈唔好去做水魚。😡😡😡😡😡😡

This private kitchen offers extremely high quality, village-style Cantonese food. Prices are high considering the location, but all the costs go towards the quality of ingredients. They consistently use excellent proteins, no MSG, and minimal (or no?) corn starch. You can really taste the ingredients, cooking technique, and rich flavors.We have eaten here 3-4 times, for lunch and dinner, and are consistently impressed. Overall the food quality is way above average and a reminder of how good food

十年前已幫襯芳記,老闆娘人非常好,自立門户後都要揾返佢。星期日同家人第一次試芳記厨房,覺得老闆娘對食材的要求比以前更高, 啱曬我呢D奄尖嘴刁嘅人。點左姜醋雞(新鮮雞)水瓜苗(第一次食)咸魚鮮魷肉餅、姜汁芥蘭同姜汁燉奶（起濃姜汁）每道菜都好有心思水準。仲買左芳記自製無添加銀魚、元具辣醬、豆豉醬。一定會再幫襯！

平時會同同事揸車去‘嘆一嘆餐廳’食晏，今日試咗隔離新開冇o耐嘅‘芳記廚房’。下午㸃幾到，估唔到六張圓抬都坐咗人，要搭抬。伙記招呼坐低，餐廳準備咗田七花茶，甘甘地幾好飲。我哋三個人叫咗三款午餐一齊share。開放式廚房，見到餸係即叫即做，聞到香味都開哂胃。最啱用嚟餸飯係魷魚肉餅，食得出係手打，爽、彈牙、有咬口。見到餐廳貼住自家製嘅櫻花蝦漿廣告，厚面皮問伙記可唔可以試下。小小辣，用嚟餸節瓜粉絲，同條馬由，真係一絕。有個同事即刻買咗一樽，話返去餸公仔面。三個大漢，各添咗一碗飯共六碗，三個餸一共$173，平均每人$58有找，算唔錯，會再嚟。

嘩。。。真係冇得輸呀！新鮮靚材，巧手廚藝，絕無味精，芳記廚房。是夜菜色：1. 燉水鴨湯 (啱曬大肚婆飲)2. 海青班shabu shabu (唔係成日有，要預訂)3. 惠州梅菜扣肉 (梅菜好正)4. 薑醋雞 (成煲差唔多俾我食曬)5. 古法釀節瓜脯 (冇諗過個味會咁出色)6. 薑汁炒芥蘭 (芥蘭嫩甜)7. 焗羊架 (好味)8. 秘製牛柳 (正呀)9. 薑汁燉奶 (滑過豆腐花)

本身家住九龍地區，聽見朋友提及一間新開業的私房菜。心想地點並不算太近（自己住的地方）某天要前往元朗錦田附近探朋友，並約會晚餐聚會。想了又想，最後決定前往「芳記廚房」試一試他們功夫。我時常抱住自己宗指是「用心經營，用心處理」客人必定回來。此處比到我自己感覺就像住家FEEL，這才叫私房菜。上至老闆及下到員工都比到我親切嘅感覺，食物水準係我自己標準以上。尤其是老火湯食物買相吸引，份量適中，環境和衞生非常好。唯一希望他們能夠盡快取得洒牌，就更加完美⋯我自己一定會再回來幫襯

真係好多謝芳姐介紹咁好既菜餚比我地，無論食物、環境、質素都係我食咁多間私房菜中感覺最有誠意的，以往食既都係好商業化的菜式，味道未有芳姐做得咁有誠意同切合我地一D對味道同質素有要求既人，芳姐好好傾好nice，你係得既👍🏽👍🏽

室內約六張枱，室外2張枱，不是食裝修，简易乾淨企理，廁所好乾淨，想清清淨淨食晏，呢度幾好……中午因工作關係，經常在天空之城食晏，在附近泊好車留下電話號碼，不阻人便OK！中午通常有幾款套餐，我最锺意食魷魚蒸肉餅，先講個份量，係較一般茶餐廕細份，配一碗大飯絕對夠食！但我試咗一啖肉餅後，真係不同其他肉餅，好有咬口，鮮魷係明顯見到一粒粒，彈口的，豬肉應好少肥豬肉，仲食到好香胡椒粉味，好配合，還有係即叫即蒸，不會預早蒸好，夠新鮮及健康，餐廳會無限量送赠花茶，降血脂的，唔想歛熱飲，可加5元飲罐裝飲品……其他人多数食蒸魚，芳記强調，鮮魚每天早上去買鮮魚，保証新鮮，時令……我通常聽到食蒸魚的人都話好味，好新鮮！

一行7人提早母親節飯，今次就黎試下芳記廚房私房菜食下。我地食7點，去到已經開始多人。好在有訂位，唔洗等就有位。由於有大肚婆關係，芳姐非常貼心準備了响螺燉水鴨湯，個湯好甜好潤，一盅夠每人飲3碗，飲湯都飽。👍因為老豆想食蟹，所以芳姐為我地準備了蛋白蒸蟹，我本身唔係好食蟹都覺得好好食，啲蛋白索晒蟹精華，好香好有味。😘其餘餸菜重有海参炆雞：雞係新鮮雞，有雞味。煎英倉魚：倉魚相對普通左啲，正正常常。豆腐肉碎煎蛋：比預期好食，豆腐同蛋比例啱啱好，豆腐同蛋都整得好滑唔老，有驚喜。梅菜扣肉：扣肉係入口即溶😃上湯肉碎水瓜苗：水瓜苗等一次食，感覺好爽好有咬口，無渣的。羌汁燉奶：燉奶都滑滑的整體黎講食物質量質素兼備，大家都食到爆肚，有下次下次再試其他菜。

4個女仔, 3個餸, 1個燉湯😋之前有同事介紹去元朗食私房菜, 去到芳記廚房食左一隻薑醋雞🐔, 一個梅菜🐷豬軟骨, 一個上湯肉碎菜心, 加一個陳皮川貝鷓鴣燉湯.🐥個人認為芳記廚房的餸真材實料，不含味精，薑醋原隻🐔肉質鮮美，梅菜唔會太咸, 豬軟骨入口即溶，陳皮川貝鷓鴣🐤燉湯鮮味! 雖然份量有點多, 幸好我地冇叫白飯, 剛剛好食哂, 飽飽了, 諗住叫d 糖水🍵🍮🍰, 但老闆娘跟我們說還未有, 遲點會有, 還介紹了元朗一些甜品舖🍰🎂🍮🍭🍬🍫給我們, 態度親切有善. 遲d 會再同家人再去!!

環境舒適,私房菜。芳姐有講有笑。食物夠質素。梅菜扣肉送飯,無得輸。當晚條魚,夠新鮮及足秤。豆腐炒滑蛋,夠新奇。仲同我地無私分享入廚及烹飪心得。價錢合理門口又有足夠泊車位,非常方便開心又豐富歡笑的一餐。