影片
更多
2014-03-28
1479 浏览
真系搞唔清楚佢系食法国菜定意大利菜? 对我嚟讲都系西餐, 仲要系慢慢食, 食完一样先会上第样的西餐, 呢餐漫长的晚餐, 食咗两个小时.............餐厅地方唔大, 一边系三张卡位, 另一边系一列大约七张二人方枱, 方枱后面就系水吧~ 但估唔到系有1间房, 唔行去厕所都唔知, 可能预你开party, 唔知最低消费系几多呢? 唔知系佢太高级定我太低级? 唔系好明佢个menu应该点选择, 所以要叫侍应姐姐介绍一下, 当介绍完后才恍然大悟, 其实都唔系咁复杂, 只系平时食开的西餐厅太简单~ 每个人都顺次序落咗order, 响等正餐嚟的时候, 先食一下面包, 原来你食完唔够的话, 可以免费添包的~ 餐前包第一轮嚟果d包唔热的, 唔知系因为我地挂住谂食乜, 放到d包冻哂都唔知? 因为第二轮refill果d系微暖的, 但d包唔够香, 就算点咗, 有两款酱比你点, 一个系牛油, 一个系类似香草酱的物体, 但两个都一般~ 香煎鹅肝配碳烧香草饱及甜黑加仑子汁鹅肝煎得好香口, 就咁食就会漏咗d, 所以一定要夹埋个香草包嚟食, 个包都系一般, 唔够香, 食唔到好香的香草味, 个汁都几
餐厅地方唔大, 一边系三张卡位, 另一边系一列大约七张二人方枱, 方枱后面就系水吧~ 但估唔到系有1间房, 唔行去厕所都唔知, 可能预你开party, 唔知最低消费系几多呢?
唔知系佢太高级定我太低级? 唔系好明佢个menu应该点选择, 所以要叫侍应姐姐介绍一下, 当介绍完后才恍然大悟, 其实都唔系咁复杂, 只系平时食开的西餐厅太简单~ 每个人都顺次序落咗order, 响等正餐嚟的时候, 先食一下面包, 原来你食完唔够的话, 可以免费添包的~
餐前包
第一轮嚟果d包唔热的, 唔知系因为我地挂住谂食乜, 放到d包冻哂都唔知? 因为第二轮refill果d系微暖的, 但d包唔够香, 就算点咗, 有两款酱比你点, 一个系牛油, 一个系类似香草酱的物体, 但两个都一般~香煎鹅肝配碳烧香草饱及甜黑加仑子汁
鹅肝煎得好香口, 就咁食就会漏咗d, 所以一定要夹埋个香草包嚟食, 个包都系一般, 唔够香, 食唔到好香的香草味, 个汁都几得意, 黑加仑子汁, 不过得几滴, 似用嚟装饰多过比你点嚟食~香煎吞拿鱼配杂菜沙律及日式芥末蛋黄酱
只碟好长...........但都系得三片吞拿鱼, 外层煎香, 内层仲系生, 味道唔错, 个汁都几特别, 只系好轻wasabi味, 就算垫底的生菜都好鲜好靓~自家制炸蟹肉意大利云吞配白兰地龙虾汁
唔知点解又系得3粒? 咁钟意单数? 唔通系比你share一粒比人食, 自己食两粒? 个炸云吞超热, 一定系新鲜炸的, 炸得好香好脆, 亦食得到蟹肉, 虽然沟咗其实嘢, 食果阵好似唔好觉有汁, 而家写食评睇返先知有个兰地龙虾汁, 可能又系得几滴, 所以冇为意到~ 法式洋葱汤配芝士多士
超劲洋葱, d洋葱仲多过汤, 但唔知佢仲加咗d咩去煲? d汤好深色, 呈深啡色, 真系唔知原来法式洋葱汤系咁样样的~ 不过最正都系个芝士多士, 虽然佢拎嚟时已经将块芝士多士浸咗响碗汤入面, 但块多士个面系铺满芝士, 好香, 就算块多士吸咗d汤林哂, 但你仍然好想成块放哂入口, 好正~ 炭烧顶级牛肉眼扒配黑菌忌廉薯, 炒杂菜及拖肥烧汁
呢个系贵d果个餐的, 但佢上枱时竟然一齐比埋平d个餐果份果款扒, 我就系奇怪, 点解平餐同贵餐个扒一样呢? 即刻叫经理过嚟, 佢即刻拎走去查, 然后即刻整过份啱的比我地, 仲不停say sorry, 唔知系咪咁, 所以我觉得佢块扒仲大块咗呢? 相比同枱爸爸果块..........顶级扒果然系唔同d, 就算叫七成熟, 都唔会un, 仲好juicy, 当你以为块扒正的时候, 原来垫底果pet黑菌忌廉薯仲正, 好香好滑, 亦好饱肚
其实咩叫拖肥烧汁? 我觉得同普通烧汁都系差不多, 可能我唔识食啦~
炭烧安格斯牛肉西冷配炒薯角, 炒杂菜及白菌烧汁
呢个系平d果个餐, 我都系叫七成, 但就冇肉眼咁林, 可能由于佢系西冷关系挂? 但佢煎得好香, 好明显见到一格格, 但唔似网烧, 因为冇阵炭味, 可能只系用坑纹果种板去煎..........个汁都系烧汁, 但佢系白菌烧汁, 所以会见到一片片的蘑菇~
我冇忌廉薯, 换成的系炒薯角, 其实应该叫炸, 炒又点会咁干身呢? 开头食系超正, 但当你食到好饱时, 佢就变得冇咁美味lu~~
热柠水
系成壸上, 起码可以冲到2-3杯佢的杯仔, 最啱你慢慢饮, 又可以倾下计, 仲大杯过冻饮 响我地食紧途中, 有位应该系经理的人士过问我地今餐觉得如何, 咁啱我妹妹果份扒比较un, 我即时反映, 佢都即刻话不如换果份意粉比我地, 但妹妹已经觉得好饱, 所以都唔需要换, 只系食埋食得到的部份就算, 通常高级餐厅就系有呢个优点, 比着系果d低级西餐厅, 你叫佢换果份比你? 好难咯~ 呢d真系一分钱一分货, 用钱买埋service的, 但都系值得~
张贴
