新東記火鍋店

营业中

休息中

冻冰冰开始想打边炉老公就拣咗呢一间之前我哋成日都食任食但系坦白讲有时候其实食量唔系咁多反而想食得精致啲今日餐真系令到我超出意料之外嘅好食服务亦都十分之宾至如归！附近两台客都系讲日文大家都食得津津有味。食物分量方面简直要比满分😊大碟嘅首设肥牛，份量足够三个人食而且肉嘅质素十分之高嗌咗牛颈脊另外凤城水饺，桂花蚌、鲜腐竹、黄油鸡等等嘅食材都完全冇令人失望， 而且份量十分之足够。 例如凤城水饺有9双贡丸都有成差唔多八至九粒。 酒水方面，价钱亦都好合理，竟然有$199一支嘅红酒，都算饮得入口嘅。 总而言之，每一样嘢都十分之高水准，当晚亦都算系坐满晒咁滞。不过可惜9:30左右就已经走得7788，已经做唔到第二轮。 好嘢食店系需要支持嘅！埋单，大约$450一个人。而呢个质素嚟讲，真系超值。 相比之下，上个月去咗尖沙咀嘅醉葫芦，就真系令人都几失望。