大師傅粥品 (已結業)

香港嘅 昂贵租金 令到好多传统粥店 都冇可能顶得顺，开得最多嘅就系海皇粥店呢啲连锁式嘅餐厅 ，大师傅虽然都有几间分店。但系我只试过大围呢间，一次就爱上 😍😍原因好简单，呢度 啲粥煲得非常之挺身，唔会水汪汪 ，入晒味，馅料充足 。我今次食呢个系艇仔猪红粥 ，猪润大大片， 有成四大片， 但系又唔会过于厚身 ，上台的时候都系刚刚好唔会过熟，唔会苦涩。艇仔粥嘅粥料丰富 ，一啲都唔吝啬。最重要系个粥食完系好饱但又唔会好口渴 ，唔会好似海皇粥店咁重味精。 另外食咗炸两 ，肠粉皮 都算又薄又滑，油炸鬼都系脆嘅，上枱的时候热啦啦。 加埋任落嘅芝麻，甜酱，花生酱， 简直一大享受。 另外再试埋佢地既豆浆，出乎意外地好饮，有豆浆浓味，最重要唔系太甜。呢间粥店已经列为我 排行榜嘅头几名，每个月都要食番几次先安乐😂😂