大師傅粥品 (已結業)

天氣突然間凍左又唔系好舒服 , 向尖咀想搵間粥店都難,就上OP search見到好多都推介呢間粥店 , 就黎左食 餐牌都幾多選擇叫左菜乾豬骨粥同豉油皇炒麵炒麵黎到,所有甜醬,芝麻,辣醬全部自己加,我最中意炒麵份量很多,麵夠入味,炒得夠乾身,唔會食到成口油豬骨粥熱辣辣送上,非常足料,菜乾多到成碗變了綠色成舊豬骨比你睇到呢度店員唔會因為你睇得耐而催促你,服務態度都好好

本來今早想來吃粥的, 誰不知因疫情关係, 開店時間延至早上11：00. 唯有放工後再來, 也是我第一次吃夜粥.店內不大, 可能時間還早,只有兩枱客. 我坐下點了一碗碎牛粥, 不用一分鐘, 就上粥了.速度夠快！可惜油炸鬼賣晒, 如果不是, 都會叫一條來送粥.碗粥都幾綿, 碎牛在底, 撈起來, 碎牛都不少, 算OK. 加埋胡椒粉, 微香, 好味, 食完都不會好口渴.店內有塊大玻璃, 可以望到廚房. 隔離枱叫了一碟蝦米腸, 真的即叫即做的, 等我下次都試下先.

The congees here are all on point.  A wide selection of ingredients you can get.  Perfect for all occasions.  It is extremely hot, so, better blow it and let it cool down a bit before attempt to swallow.Not sure whats the name of this but what I know is that its friggin awesome.  100% recommend.  Must order alongside whatever else you are ordering

這陣子較忙，唔想煮，都是叫外賣送上門，今晚想食粥、腸粉，在外賣Apps order，在家等食。叫了一碗碎牛皮蛋粥(亞女話唔想食粥，她沒叫粥)，蝦腸，牛腸，炸兩(入面唔夠脆)，咸肉糉，豆漿1枝。/由小到大都很喜歡食碎牛粥，每次吃到都覺得好好味，也許多了兒時回憶吧？腸粉未算很滑溜，但、還可以的。糉較結實，饀料不多，以價錢來平衡，可以收貨的了。至於炸兩(如果入面是脆身的就Perfect了，但、這兒的炸兩做不到內脆效果，我都明白，要好彩剛遇上油炸鬼出爐時，又叫了炸兩，才會吃到。)，埋單$112蚊，今次有叫外賣優惠券，免咗送貨費，抵食!!✌

去年逢星期六下午都去大圍上興趣班，偶爾會到大師傅醫肚，覺得食物質素佳，CP值高。今天剛好有事到大圍，正值午飯時間，便先食個簡單午餐。與大部分傳統粥店一樣，店舖裝修簡陋，但亦坐滿客。我點了菜乾豬骨粥及鹹肉粽，朋友叫窩蛋碎牛粥及蝦米炸兩腸。朋友的粥，望落都ok，粥底夠綿。我的菜乾豬骨粥也不錯，粥底同樣夠綿和滑，有適量菜乾。不過可惜的是差不多無豬骨，食到底才有一嚿比香港五豪子還細的骨。正奇怪粥的味道唔錯，一小時後發覺很口乾，原來是用味精提味。👎🏻👎🏻👎🏻咸肉粽選了用豉油，味道也是不過不失，糯米和綠豆比例恰當。只是糯米黏力不足，粽食起來較散。最後，整個午餐最好味的是這個蝦米腸炸兩。腸粉拉得又薄又滑，混有蝦米和葱花，很香口。腸粉內的油炸鬼新鮮炸起，脆卜卜，好味。😘😘😘

近排食到滯滯哋，所以今日想清吓腸胃，食碗港式靚粥，於是走去大師傅粥品，而猴子近排又食豬膶食上癮，於是就叫咗碗豬膶艇仔粥。碗粥一到，當然是豬膶食先，因為驚浸得太耐會變「鞋」，一試之下，夠爽夠滑，算係滿足到我呢個「豬膶控」，只係略嫌份量唔多，有啲唔夠喉。其餘嘅魷魚同牛肉丸都係一貫嘅港式傳統風味，食落真係好有feel，童年回憶返晒嚟。店內嘅裝修完全係一切從簡，無謂嘅擺設一件都冇，檯檯凳凳都係最實用嗰隻，毫不花巧，不過正正係呢種簡樸風味令人有種緬懷過去嘅感覺。

好耐都未試過有d咁平既炒米，好似中學年代第一城有間小店既7蚊一碟炒米！宜家居然向大圍仲搵到一碟10蚊的炒米！真係太抵食！今次黎食，其實係因為病病地，要搵一d有粥食既地方！在大圍火車站對面馬路既橫街，行下行下就見有呢間粥店，好舊式既款式！門外仲有煎堆既油器賣！好傳統咁！呢間真係專食粥既粥店！價錢仲好抵？餐廳內既粥分左2種，有生滾粥同埋唔係！生滾粥價格較高，35蚊度！自由度好高，可以自己揀款！個粥好足料！叫左一個皮蛋魚腩粥真係好多料，同埋係即煮！粥底又已經好入味！而且鯇魚好新鮮！和粥融入左！皮蛋都煲到溶左少部份！叉燒腸都好足料，可以試一試！

在大圍市中心，相距3分鐘路程已經有兩間分店，今早到此分佔座位比較好坐。傳統粥店內經常滿座，特別受區內老人家歡迎。價格合理。齋腸粉配上白粥，清淡又好吃😋偶爾清清腸胃很不錯

一向唔鐘意食粥既我，去大左食粥！叫左個生菜粟米粥唔錯啵！因為我比較鍾意食材唔多食肉，但係好少有粥呢係冇肉嘅！ 呢度呢個生菜粟米粥就啱曬我口味喇！仲要好足料，好多生菜添！啖啖都有！真係不錯！另外我仲叫咗個炸煎堆同牛脷酥，呢啲遊油器呢好多間粥品都係預先整定嘅！ 呢間當然唔例外啦！所以大家都唔使咁期待！衛生方便就真係一般般啦！

有晚去左大圍到食個清淡既晚餐，大師傅既粥真係幾高質，本身我都好少出街食粥，因為我鐘意食啲稠身啲既粥，所以覺得呢到啲粥真係好岩我口味！其實有好多唔同配料可以加配，而且仲有拉布腸粉、炒粉麵等。非常推薦黃沙豬膶粥，我有另加既粟米生菜就係底。喜歡食豬膶既朋友就會明白，黃沙豬膶既口感綿密得黎又有咬口既感覺！呢到啲豬膶唔會煮得好老，所以好好食！炒麵既分量都好多，略嫌油左少小。油炸鬼既話係即炸，所以好脆口。牛肉腸粉皮薄餡靚，牛肉既分量剛好，所以口感都好好，味道都不錯。

今日病了，口淡淡想食粥，而大師傅係我必食之選，我每次都會叫菜乾豬骨粥，佢十分足料，而且另外有蠔豉仔，菜乾好香，呢個粥好特別的，唔俾加其他配料落粥度，例如咸蛋，可能甘樣怕失去原先粥鮮味，不用落其他調味料都好入味！

最近腸胃不好，想來個清啲嘅晚餐。而家想揾間粥舖有時都唔係咁易. 最後都比我在大圍站附近搵到一間. 今次我叫咗三樣嘢一個粥,一個腸粉，一個炸兩.呢個係皮蛋瘦肉粥，熱度是可以的，裏便嘅材料都很足. 隨隨便便掘一匙羹上嚟，全部都係皮蛋.而瘦肉就係用咗咸瘦肉，份量唔算太多，用嚟調味的. 我覺得用喊瘦肉啲粥會入味啲。粥底係滑口而且棉棉的，但以個人口味而言，我比較喜歡吃杰一點的- 如果稀杰程度分五級，它有兩分，而五分係最杰。仲有如果碗粥的蔥再多啲就會更加好啦。叉燒腸比我想像中多料，而且啲叉燒都係剪到一小塊一小塊的，口感尚可，味道適中，不過不失。個腸粉皮算滑身，但有點厚，從吃飽肚的角度去看算是不錯了。炸兩有三大條，腸粉皮都係滑既，但我覺得厚度不太會影響炸兩的口感。油炸鬼是涼的，無油膱味，加醬即食。順帶一提，今次食粥都成夜晚十點，都算開得夜。如果在冬天，想叫粥當宵夜，暖下身都叫有地方可以叫到碗食下。

第一次去呢到食粥，意外地又幾好食又幾足料！叫咗艇仔粥同炸兩，仲有油條！艇仔粥 $21好足料啊！有魷魚，魚肚，花生等等，仲有啲肉碎係碗底！從無諗過食粥都可以飽肚，因為實在太多料！粥底夠綿，食到最後都唔會愈嚟愈稀，唔會變咗水。啲肉碎有調味，配合個粥一齊食，好夾！反而魷魚就無乜味咁，純粹白烚。炸兩 $15不過不失，但店員落太多豉油，浸淋咗咁！枱面有好多唔同醬可以加上去，我就加咗花生麻醬！都幾好味～油條 $8油炸鬼就必嗌啦，食粥點可以無！不過剪得有啲大嚿，雖然我都明佢係求其剪。

想清下腸胃，清清地食碗粥都係個不錯既選擇大師傳係大圍有兩間分店，位置都好方便.碎牛粥牛肉多，粥都好有味，大碗又平！最怕多水同冇味既粥，但係依碗完全唔會，仲有d蔥吊味.生菜粟米粥生菜都幾多，不過粟米可以再多d，一樣好味，好大碗，粥底㷛得夠耐先夠味同口感錦密.炒米粉正常份量，冇乜特別，唔太多油，略嫌落得比較少菜炒，送粥不錯！.舖位都夠位坐，上菜都好快，又唔會太多人食，平日平平地又想食清啲係唔錯既選擇！

《大師傳》係我經常光顧既食店，早餐既時候，病既時候，一個人唔知食咩既時候，不如就去食碗粥啦⋯⋯又唔使等位，真係單身人士恩物有時會去食豬紅粥，魚片粥，今次就揀左生滾系列既豬潤粥，另加炒麵。首先炒麵先黎，豬潤粥就等左五分鐘左右就黎啦⋯⋯出晒煙，好熱辣辣豬潤數量好多塊，又大件。每塊仲好爽口，唔會太淋。豬潤味道又不失至於炒麵，雖然唔係即叫即炒。。。不過上枱仲暖暖地，岩岩好人口。兩樣架埋都唔過Hk$40蚊。。