影片
更多
2014-02-06
876 浏览
自从自由行进驻沙田以黎，价钱同食物质素越黎越成反比，价钱只识不断咁加，但食物质素就越黎越求其！以前$100有找食个扒餐既日子当然一去不复返，但点都冇谂过可以求其成咁！是日系装修后第一次帮衬，老实讲的确比以前光猛、空间感大左。但同时枱与枱之间亦都相对密左，呢方面喺寸金尺土既香港我绝对明白亦都理解。餐饱︰面饱可以话系呢度既「镇店之宝」。同以前好generous咁俾一细篮面饱相比，现在只可以喺六款面饱里面选择一款。无可否认，喺通胀既情况下作出咁既安排确系情有可原。最特别既系佢「整色整水」，可以有六种唔同既sauce可以选择，包括最大路既牛油或者其他好似Olive Oil同埋Tomato Sauce，以几廿蚊个餐黎讲有咁既安排都算系比较少见。虽然quantity系少左，但quality方面依然维持到昔日A-1既水平，依然系软淋淋咁松软，有入口即溶既感觉咁。唔知点解就算喺对面面包舖买返屋企自己整都做唔到果种感觉，绝对系必试之选！餐汤方面既杂菜汤相对比较失色，毫无特别地方可言。D料少到乜咁只系得几片细细既蔬菜。虽然系咁，但都勉强饮到少少基本杂菜汤应有既味道，唔似坊间一般将货就价「from conc
餐饱︰面饱可以话系呢度既「镇店之宝」。同以前好generous咁俾一细篮面饱相比，现在只可以喺六款面饱里面选择一款。无可否认，喺通胀既情况下作出咁既安排确系情有可原。最特别既系佢「整色整水」，可以有六种唔同既sauce可以选择，包括最大路既牛油或者其他好似Olive Oil同埋Tomato Sauce，以几廿蚊个餐黎讲有咁既安排都算系比较少见。
虽然quantity系少左，但quality方面依然维持到昔日A-1既水平，依然系软淋淋咁松软，有入口即溶既感觉咁。唔知点解就算喺对面面包舖买返屋企自己整都做唔到果种感觉，绝对系必试之选！
餐汤方面既杂菜汤相对比较失色，毫无特别地方可言。D料少到乜咁只系得几片细细既蔬菜。虽然系咁，但都勉强饮到少少基本杂菜汤应有既味道，唔似坊间一般将货就价「from concentrate」果种质素既口感，叫做勉强比佢合格啦。
主菜carbonara方面就真系令我十分失望喇！份量少当然唔意外，问题系当你移走上面舖面既veggie之后个portion比想像中更细，有欺骗观众既感觉。个sauce亦都做得非常差，好watery一pat野咁出晒水，认真唔多开胃。Pasta索晒个汁之后，虽然不至于淋到一pat野咁，但因为捞埋D好稀既sauce令到个口感认真麻麻。D𩠌既份量更加少得可怜，加埋成碟野既「小小肉粒」我谂重少过一只手指公既份量。
Overall我比佢既comment系越黎越差。或者咁讲，喺自由行攻陷香港之后，佢地根本唔需要focus喺食物质素方面，只需一心做好「性价比」最大既食物去交租，赚过盘满钵满就已经可以「袋袋平安」啦！唔知道呢个算唔算系另一种对香港人既惩罚呢？
张贴
