麵屋一鳴

营业中

休息中

麻甩专员又出动揾下d新餐厅食野，呢间隐世拉面店座立系大角咀奥运站附近，位置上唔特别显眼，所以先称得上隐世之处。新店开张近两个月，格局简单以简约为主。食物以拉面为主打，所有食物以每日新鲜即制，特别在汤底用上鸡汤，老板表示每日即熬煮出黎特别香浓。胡麻野菜沙律沙律新鲜爽身既，胡麻酱几特别比较少地方食过。US牛肉薄切拉面 $68 拉面望上去丰富既，小配菜仲有青葱,洋葱,味付笋,芽菜同木耳，当然仲有几大片既薄切牛肉。汤底浓郁厚身，鸡汤鲜味，味道上偏淡适合所有人食。拉面面身有弹性，唔会一夹就散，而且曲身面身挂到汤汁，亦都系唔错既口感。牛肉本身无经过任何调味，但牛肉本身够香食落有牛甜味，随住汤汁一齐食味道都几出。烧鸡中翼(3只) $30即叫即烧鸡翼，好香口烧到个皮身焦焦地有脆身口感，鸡翼少咸好够味，焦香得黎同拉面一齐食够晒正。蜜豆南瓜 $25自家制既特色甜品，蜜豆甜甜地好香豆味，南瓜够淋身有蜜饯既香味。