合和荳品

营业中

休息中

鱼蛋+烧卖+肠粉小食拼盘，一次过食哂最受欢迎既街头小食！！一杯豆浆豆花仲可以有得食有得饮，岩哂心多多又为食既我！豆品标榜每日自家制，的确系豆味香浓d，豆浆豆花入口感滑顺d！仲可以自由配搭加上珍珠、红豆、芝麻、胚芽等配料，令口感更丰富唷！姜汁珍珠豆浆，豆浆既豆味同姜汁比例合到好处，姜汁唔会盖过豆浆，超好味！加埋珍珠，令饮品更有口感！酱料可自由添加，炒面唔油腻，非常好！柴鱼花生粥配料份量非常多，每啖都有好香既花味！煎酿豆腐两边煎得金黄香口，内里软滑，豆味浓郁突出。姜汁紫米豆花，豆花甜而不腻。紫米烟靱有口感。杏仁豆花未有太浓既杏仁味，主打既豆花热腾腾，入口滑顺，有入口即溶感觉！