湘川滬 (+WOO嘉湖二期)

营业中

休息中

又到一月一度食乡下菜解解馋嘅日子，当然都系去返屋企人最爱去嘅湘川沪除上海菜外，仲有两湖、四川等多地名菜选择，甜酸麻辣皆全，正适合亲朋戚友大围饭聚。上海人习惯正餐前先点冷盘作前菜，是日心水系陈醋黄瓜。新鲜爽脆，甜中带酸，潮湿天气食用更醒胃消暑。上海菜多以糖醋酱油简单调味，烹调方式以燘煮炖为主，无咁热气油腻。糖醋排骨系常见家常菜之一，香甜惹味好送饭。选用猪扒部位，肉质厚身而鲜嫩松软、老人家都咬得开，而且大部份肉件都不带骨推荐一试。因为不爱榨菜味道，所以拣咗具湖南风味嘅酸豆角肉末。酸豆角味道似酸菜，但口感更脆更有质感；肉末肥瘦参半，颗粒大有咬口，无丝毫油腻感。叉子烧饼今次烧得啱啱好，面头酥脆又带浓郁芝麻香，同时又有面饼嘅烟韧。填满肉末馅食落非常有满足感夏天无胃口食饭，食烧饼当正餐香得嚟有饱足感，啱哂。妈咪最爱嘅上海名菜——崧子黄花鱼，怕噎骨又想食鱼人士必选，鱼身炸成香口，配以糖醋汁酸甜开胃，啖啖肉。原条上枱后店员会当面切开分成小件方便食用,一切开就闻到强烈嘅海鲜味。外皮香脆，内里肉嫩，层次丰富，调味加上油炸制法完美辟去鱼腥味，无骨、连鱼头都食得。忍唔住食完一旧又一旧，食极都唔够喉，如果再厚肉