十大碗粥麵專家

营业中

休息中

基本上每个月都会食一次，无论系收工时间定系星期六日中午都会有人排队，但每次大约等15分钟就可以入店😀必食推介状元及第粥🥰，40几蚊有足料嘅猪杂，猪心、猪肝、猪肚、猪粉肠、猪肉片。🐷猪什是前应该少量调味，所以食起嚟个粥系好够味，而且猪肝生熟程度啱啱好，起身唔粉少少爽口，而且猪肉片大大块，食起嚟过足口引😋肠粉亦都系推荐，每次嚟到都一定会叫叉烧肠同虾肠，肠粉皮够油够薄，配上豉油一绝🥇而且云吞面都系必叫，大地鱼汤配上虾子，幼面够爽冇碱水味，唯独是份量少，正常一个男仔三四啖就食完一碗。总结而言，10大碗嘅粥同肠粉都系有保证，性价比高👍🏻两个人总共叫咗五样嘢，埋单190几蚊，可以接受。