御品·千之味 (大全街) (已結業)

话说女儿好喜欢日本菜，但老婆又唔想常常出街食，所以答应女儿，每月会去吃一餐日本菜。趁住今日我连放几日假，我地就去咗大角咀食千之味，听朋友讲深水埗有分店，大角咀分店系新开嘅！大人一来到，梗系要叫返个刺身食下啦！叫咗三文鱼军刺身，5件，每块鱼腩都好厚肉，好正！每次都一定必叫比对仔女，蟹柳寿司同玉子寿司，简简单单，味道ok！仲有粟米军舰，小朋友至爱，呢到嘅粟米军舰仲加咗沙律酱。我就叫咗至爱嘅鳗鱼，特长鳗鱼寿司，好味道！而鹅肝寿司，唔系好多地方有，我地每次见到都会叫两块来食。火焰芝士熟虾寿司，就系老婆至爱，叫来比佢食，熟虾好香，配埋芝士，又几夹㖞！日本菜好多时都会有串烧，我地就叫咗「香蒜一口牛」来试，粒粒牛都好「林」。我老婆成日话我系食肉怪，无肉不欢，所以今次都试咗「御品 · 半熟牛扒」，味道ok。日本菜必食天妇罗，所以叫咗软壳蟹天妇罗，好香口。主菜就叫咗芝士鸡扒冷乌冬，乌冬配胡麻酱，唔够酱仲可以添㗎！我地食咩都惯咗要饮嘢，所以我叫咗波子汽水，老婆就叫咗 Cream Soda！最意想不到，都系我对仔女最开心嘅！就系竟然有甜品送，有雪米糍 & 蒟蒻食。