豪隍點心工房 (已結業)

好多朋友都话呢间嘢正呀，终于有机会试吓。一点松啲到，谂住星期日，应该接到食完 brunch 𠮶班人啲枱⋯ 结果都系楼梯仍企满晒人，等咗大半个钟头，近两点先有得入座，下次用手机攞咗飞先会好啲。啲虾饺真系几大只，不过啲皮又厚番啲啫。虾有鲜味，好过好多街坊酒楼，同酒店就仲争啲。鸡扎亦都大件，足味。其他嘢就一般啦，冇传说中咁犀利。可能期望越大，落差越大。食到两点几走，仍然全院满座，犀利 💪🏼提醒返，佢门口写咗话，每枱用膳时间限时70分钟。我哋两个人去食就够啦，但系一大班人如果谂住去吹水，点够时间。