Candies Foodies (已結業)

今日放假去咗尖沙咀行街順便接埋阿妹收工食晚飯，經商討後決定去食西餐，之前朋友介紹過樂道有間上樓西餐廳，就去試吓。由樓梯至上樓，沿途有好多特別的裝飾及畫像，好用心去擺放及設計😍仲有夾糖地方，幾得意呀😍餐牌上有好多不同食物選擇，薄餅、沙律、牛扒等....，最後選擇左二人餐。龍蝦湯-味道超濃超香，入口幼滑，味道不錯👍龍蝦汁忌廉燴飯-龍蝦焗至金黃食，肉質新鮮鮮甜爽口，忌廉燴飯煮得剛剛好，不會太淋或太硬，好入味。😋😋😋安格斯肉眼牛扒order 七成熟，擺盤好有心思，肉汁鮮嫩咬落多汁，配合醬汁味道一流👍👍👍最後食到好飽，叫咗杯熱辣辣的蜜桃茶消滯。