炑八韓烤 (已結業)

有个朋友成日都叫我陪佢食炑八嘅下午茶，今日终于有机会聚一聚，食下野啦👏🏿我之前都有食过呢间系湾仔嘅分店，觉得下午茶好多选择，都几高质☺️估唔到隔个几月再嚟就已经换咗餐牌，又多咗好多选择，搞到我地选择困难症又发作😂之前食过鸡排蛋包饭，好好食😍但今次又想试下其他野，经过一轮内心挣扎之后，我地拣咗炭烧猪肉紫菜包饭同埋芝士年糕拉面！每个餐都会送一串小食，上次系韩式鱼糕，而今次就系火灸蜜糖年糕🙆🏿呢个组合真系第一次，我觉得唔系好夹，可能食唔惯啦。火灸之后无咩蜜糖味，反而感觉有啲油。而年糕就硬，唔够烟韧，同埋无咩味～不过好在有配菜搭救下，泡菜同海带都唔错👍🏿主角出场啦！首先系炭烧猪肉紫菜包饭～紫菜包饭切成10件，份量唔多，平时细食嘅我都可以一个人食得晒！未食都可以闻到好香嘅麻油味，睇落几足料，基本嘅都有齐。炭烧猪肉无咩特别，同普通烤肉无咩分别，味道亦都一般，唯靠点韩式辣酱～不过整体味道都可以，可以做得更好💪🏿另外，朋友叫咗芝士年糕拉面🍜芝士洒系面，但应该因为啲面唔够热，所以熔唔到，仲系一粒粒咁，如果改用酱应该会更好☺️味道一般，唔系好食得出韩国嘅味道，有点似公仔面，系酱汁个方面可以再加强！年糕烟韧，够