影片
更多
2020-10-10
1894 浏览
真心推介！美心中菜我唔会专登食，但呢间真系超有惊喜。呢度嘅相系两次夹埋嘅。片皮鸭半只我觉得唔错，块皮系透明么么皮，唔系平时食开𠮶只厚身皮。鸭片嘅厚薄得宜。餐厅当时做紧推广，价钱半价，百几蚊半只真系好平，几乎张张枱都叫片皮鸭。桂花糕冻伴鸭件呢个超有惊喜！由上至下：鸭皮>青瓜>桂花糕>薯片超有层次感，桂花糕同青瓜可以去左鸭片油腻感。不过4件88蚊贵，但又值得呢个价钱，呢个我极之推介！我觉得值得食过片皮鸭。韭菜饼我唔记得叫咩名，因为我揾唔返。普通嘅韭菜馅饼，冇乜大特别。松子虾球沙律呢个必吃呀！晚市我食过两次，两次都叫左呢个！虾球两节食指咁大只，一共5只，虾系弹牙唔系𠮶啲雪左几廿年嘅雪虾。𠮶啲一条一条系青苹果丝。整个沙律黎讲好清新，我觉得做前菜都唔错。后面两道菜：田园虫草花炒翡翠苗同个豆腐，我唔记得个豆腐菜名喇，都系大路野，不过都做得有心机。总括黎讲呢间系高质中菜厅。每次过黎都要等位，一等就系一个钟，所以要去食嘅真系要早啲去排队呀～
美心中菜我唔会专登食，但呢间真系超有惊喜。呢度嘅相系两次夹埋嘅。
片皮鸭半只
我觉得唔错，块皮系透明么么皮，唔系平时食开𠮶只厚身皮。鸭片嘅厚薄得宜。
餐厅当时做紧推广，价钱半价，百几蚊半只真系好平，几乎张张枱都叫片皮鸭。
桂花糕冻伴鸭件
呢个超有惊喜！
由上至下：鸭皮>青瓜>桂花糕>薯片
超有层次感，桂花糕同青瓜可以去左鸭片油腻感。不过4件88蚊贵，但又值得呢个价钱，呢个我极之推介！我觉得值得食过片皮鸭。
韭菜饼
我唔记得叫咩名，因为我揾唔返。
普通嘅韭菜馅饼，冇乜大特别。
松子虾球沙律
呢个必吃呀！晚市我食过两次，两次都叫左呢个！虾球两节食指咁大只，一共5只，虾系弹牙唔系𠮶啲雪左几廿年嘅雪虾。𠮶啲一条一条系青苹果丝。整个沙律黎讲好清新，我觉得做前菜都唔错。
后面两道菜：田园虫草花炒翡翠苗同个豆腐，我唔记得个豆腐菜名喇，都系大路野，不过都做得有心机。
总括黎讲呢间系高质中菜厅。每次过黎都要等位，一等就系一个钟，所以要去食嘅真系要早啲去排队呀～
张贴
