餃掂手工餃子雲吞專門店

#饺掂 嘅无味精手工饺子真系好掂 🥟 佢哋每日即包即制，每粒都好新鲜，包得又靓又好食！除咗有经典嘅韮菜猪肉、大白菜猪肉同粟米猪肉外，佢哋仲有好特别嘅松茸系列同埋寿喜烧牛肉口味等！汤饺嘅汤底系状元九鼎汤，用咗粉葛、顺德鲮鱼、香山鲫鱼、红萝卜、扁豆、赤小豆同埋新会陈皮等煲成，而每张枱都有唔同嘅酱汁可以拣，豉油、黑醋、菜脯、辣椒酱等都有 🍲🌶️ 我每次嚟都一定会叫我最爱嘅龙凤松茸双汤饺 ($138/12只)，佢系用 #黑松露 同 #白松露 再混合猪肉整成。每粒饺子都包到涨卜卜，皮够透薄，有黑松露嘅饺子味道再浓一啲。今次同朋友嚟，我哋仲试咗出面好少有嘅寿喜烧牛肉煎饺 ($58/7只)，底面煎到金黄色，卖相吸引，入面加咗啲京葱同有少少甜味都几特别。除咗饺子，我哋仲叫咗回味手拍青瓜 ($26)，少少辣又新鲜爽脆。上汤松茸时蔬 ($35)，用上汤煮后味道鲜甜，健康又 #好食！再嚟仲有佢哋自家制嘅山楂雪梨水同蜂蜜柠檬薏米水 (各$28)，山楂雪梨水酸甜开胃，柠檬薏米水清热祛湿，加埋蜂蜜滋润又健康 🍋🍯