影片
更多
2024-09-04
6416 浏览
打开升降机门，就会见到呢堆霓红灯箱，一间玩味十足嘅南越菜店。闷热天气，行到上黎都有少少汗，未开餐先叫D冻饮先。呢度除咗特饮如呢杯咁靓嘅Citrus Blossom ($52)，笃穿个气泡就饮得。以西柚味为主体，加上梳打，香甜有气感，有外在美之余仲有内涵。仲有自家出品嘅柑桔柠檬绿茶 ($25)，比埋个冰底杯你，建议先摇一摇先倒。柑桔柠檬味比预制支装来得自然，亦饮到绿茶味。炎夏天气好岩饮呢D果味饮品。首先出场嘅系越式发酵茶叶沙律 ($54)，颜色缤纷吸引人。多种材料如以爽口生菜为基底，再有青瓜丝，蕃茄粒，各式脆豆及少少发酵茶叶作点缀。加入醋汁作沙律酱，爽脆之选。似系健康之选嘅有呢客扎肉心内美米纸卷 ($65)，一客有5件。以米纸卷包住酸甜甘荀丝，青瓜及扎肉条，再点埋个花生酱，调起晒整体味道。话晒系呢度嘅招牌金边粉($88)，采用嫲嫲南越汤，点可以错过?!一碗份量够晒多，二人分享都可以。材料有牛尾，牛丸，牛筋，牛腩等，牛气冲天。汤底好鲜甜，饮完都无话好口渴，有条油炸鬼比你索汤食; 而金边粉入口几爽口，以汤送粉好易食得晒。加埋有少少九层塔及芽菜，增加香味与口感。越菜除咗必叫pho之外，法包都唔
闷热天气，行到上黎都有少少汗，未开餐先叫D冻饮先。
呢度除咗特饮如呢杯咁靓嘅Citrus Blossom ($52)，笃穿个气泡就饮得。以西柚味为主体，加上梳打，香甜有气感，有外在美之余仲有内涵。
仲有自家出品嘅柑桔柠檬绿茶 ($25)，比埋个冰底杯你，建议先摇一摇先倒。柑桔柠檬味比预制支装来得自然，亦饮到绿茶味。炎夏天气好岩饮呢D果味饮品。
首先出场嘅系越式发酵茶叶沙律 ($54)，颜色缤纷吸引人。
多种材料如以爽口生菜为基底，再有青瓜丝，蕃茄粒，各式脆豆及少少发酵茶叶作点缀。加入醋汁作沙律酱，爽脆之选。
似系健康之选嘅有呢客扎肉心内美米纸卷 ($65)，一客有5件。
以米纸卷包住酸甜甘荀丝，青瓜及扎肉条，再点埋个花生酱，调起晒整体味道。
话晒系呢度嘅招牌金边粉($88)，采用嫲嫲南越汤，点可以错过?!
一碗份量够晒多，二人分享都可以。材料有牛尾，牛丸，牛筋，牛腩等，牛气冲天。
汤底好鲜甜，饮完都无话好口渴，有条油炸鬼比你索汤食; 而金边粉入口几爽口，以汤送粉好易食得晒。加埋有少少九层塔及芽菜，增加香味与口感。
越菜除咗必叫pho之外，法包都唔能够忘记。呢度系食南越菜，所以有南越法式面包 ($78)。
已帮你一开二，每人半份岩岩好。香脆嘅法包，入面”酿”入多种材料，如酸甜甘荀丝，猪耳及扎肉丝，仲有鸭肝酱(??)，总之成个包饱肚之余仲系好味嘅。
呢客越式惹味粟米条 ($48)，开头估以为都系d椒盐粟米，点知原来仲有个酸甜酱汁系底。
入口有粟米粒嘅嚼口，仲食到酸甜味，轻轻松松好快被食晒。
主菜类以烤蒌叶鸡配青苹果沙律 ($90/半只)作代表。
烤鸡皮下无多余脂肪，肉唔会烤到变干，点埋个特色酱(味道有d似xo酱中嘅虾仔味)，唔辣几惹味。间中食下个青苹果条，爽脆多汁之余同个辣酱都几夹。
好在早D上黎，坐下坐下都座满，呢餐南越之夜，每次黎都有D惊喜。
张贴
