校長燒肉日韓料理 (大埔廣場)

营业中

休息中

校长烧肉我唔系第一次去呢种烧肉放题既餐厅，最吸引我就系一个价钱任饮任食，唔洗再每一样野计钱，咩都可以试下。今日黎左大埔超级城附近既校长烧肉，交通非常方便，坐火车、巴士、小巴都得。成间餐厅好大，有好多位置，唔会太迫，坐得舒服，地板冇油淋淋。另外装修亦非常吸睛，整体感觉不错。呢间餐厅既其他分店我有去过，但应该每一间都有少少分别，除左任食鱼生，蒸笼点心，不同熟食盘，炸物区，大量烧肉及打边炉配料任你拣之外，我见到一个几新奇既区域，就系自己可以冲泡唔同既茶俾自己消脂解油腻，我就觉得非常出色，因为除左不同绿茶、红茶、乌龙茶包外，你仲可以任加果D陈皮，红枣，钳銡呢D唔同味道落去，即刻觉得自己战斗力提升左好多。其实有得同时打边炉同烧肉真系几好玩又几好食，一次过满足晒全部愿望，又时仲有惊喜，真心觉得值得推荐。除左呢D之后，都多左好多唔同既樽装饮品，冇糖但味道唔错。仲有甜品同雪糕都唔好错过，真系有好多选择，如果你想要试多几款，咁我强烈建议你一定要留肚去食喇。总括而言，校长烧肉系性价比高，又系非常亲民价钱既餐厅，希望下一次再去会再有新惊喜。