辣媽酸菜魚麵 (元朗安寧路)

营业中

休息中

作为新入坑既元朗人，位于元朗既辣妈酸菜鱼面系我十分推介既食店，呢间餐厅无论乜嘢时候都大排长龙。餐厅主打酸菜鱼面，但我更爱佢既养生鸡面！养生面（$52）材料有：云耳，杞子，虫草花，淮山，红枣，同埋鸡件。汤底我觉得比想像中浓味，而且鲜甜唔重味精，我饮晒成碗汤。面质爽滑，挂到汤到上去，一碗面有6大旧鸡，食得好爽好满足。不过虫草花如果可以多啲就好la~朋友唔钟意食面所以嗌咗饭，但由于当日系星期日人非常多，个饭等咗差唔多九个字先上菜。酸菜肥肠饭 （$52）酸菜炒得好香，肥肠好弹牙，唔好太咸，嗌左小辣唔会话太过辣 （比起泡椒黎讲🥴），𩠌菜份量都够多，但白饭多返dd就更好。泡椒田鸡饭（$55）友人系田鸡控，见到餐牌上有田鸡即刻二话不说落单。田鸡有腌过，十分滑嫩，配料有莴笋同芹菜，炒得香口，但略嫌油左小小。同埋泡椒分量真系太多😂好好好辣呀！最后不得不讲佢嘅凉拌芥辣鱼皮系超级好食！鱼皮劲爽脆，酱汁调醒得非常好，十分惹味，令人不禁一口接一口。