影片
更多
2017-12-04
875 浏览
哩间面档我细细个就食过，自从附近开咗第二间面档之后我就冇再帮衬佢啦，今日另外间面档冇开，我就帮衬佢一次喇。先讲吓点解要改食另一间，唔系因为佢唔好食，而系因为佢成日好快卖晒，叫咩冇咩，又卖得贵，店员态度又差，所以先改食另一间，其实哩间嘢食唔差，加上上过报纸杂志红咗，就臭串啲啰。咁我好耐冇食，就睇吓餐牌先叫，见到单拼28蚊，就叫咗一碗鸡翼米加汁，点知佢就收咗我50蚊，找返6蚊俾我，50-6=44，我就奇怪，点解28蚊变咗44蚊呢？我就问吓店员个面几钱啦，佢话34，咁我就问返佢攞10蚊，最初煮面𠮶个唔肯俾返10蚊我，话睇住我俾40蚊嘅，态度亦一如以往咁差，但我好清楚自己俾咗一张50蚊，企得好硬，头先收钱𠮶个先俾返10蚊我，真系一肚气。有冇觉得奇怪呢？我唔系叫外卖，但佢就用发泡胶碗俾我，原因系因为我过枱食啰⋯⋯只系隔离枱，咁做真系好唔环保，同埋好冇意义！（要反佢白眼！）食落同以前一样，牛腩汁汤底同一般牛腩汁唔同，色水好深，冇牛味，汤头好甜，我自己唔钟意咁甜，但佢就红在哩个甜味牛腩汁。鸡翼有两只全翼，所以收得贵都算值嘅。但其实哩间嘢食我欣赏之处唔系在于碗面，而系佢哋嘅辣椒油！真系好香，而且系好食
先讲吓点解要改食另一间，唔系因为佢唔好食，而系因为佢成日好快卖晒，叫咩冇咩，又卖得贵，店员态度又差，所以先改食另一间，其实哩间嘢食唔差，加上上过报纸杂志红咗，就臭串啲啰。
咁我好耐冇食，就睇吓餐牌先叫，见到单拼28蚊，就叫咗一碗鸡翼米加汁，点知佢就收咗我50蚊，找返6蚊俾我，50-6=44，我就奇怪，点解28蚊变咗44蚊呢？我就问吓店员个面几钱啦，佢话34，咁我就问返佢攞10蚊，最初煮面𠮶个唔肯俾返10蚊我，话睇住我俾40蚊嘅，态度亦一如以往咁差，但我好清楚自己俾咗一张50蚊，企得好硬，头先收钱𠮶个先俾返10蚊我，真系一肚气。
有冇觉得奇怪呢？我唔系叫外卖，但佢就用发泡胶碗俾我，原因系因为我过枱食啰⋯⋯只系隔离枱，咁做真系好唔环保，同埋好冇意义！（要反佢白眼！）
食落同以前一样，牛腩汁汤底同一般牛腩汁唔同，色水好深，冇牛味，汤头好甜，我自己唔钟意咁甜，但佢就红在哩个甜味牛腩汁。
鸡翼有两只全翼，所以收得贵都算值嘅。
但其实哩间嘢食我欣赏之处唔系在于碗面，而系佢哋嘅辣椒油！真系好香，而且系好食到有得买，亦唔平，细细樽68蚊。
真心间嘢唔系报纸上讲得咁好食，最紧要系店员态度差，而且非常唔环保，所以我系唔推荐大家去帮衬。最多就系去买樽辣椒油返屋企慢慢食啰。
张贴
