鐵牛台灣牛肉麵 (旺角中心第一座)

营业中

休息中

今晚舅父舅母话好耐无同我们一齐食晚饭，而咁啱又喺旺角附近，所以我们就同咗他们去我们之前食过无论堂食或外卖自取都系咁好食喺旺角中心嘅「铁牛台湾牛肉面」食晚饭！我们叫咗招牌红烧牛肉面嘅汤底味道依然都系咁鲜味浓郁，肉质超松软嫩滑，肉味相当浓郁，面质好烟韧弹牙！鲜茄牛筋腩面嘅汤底系用新鲜蕃茄肴制而成，味道非常鲜甜清新，可以食到有新鲜蕃茄粒，而且浓稠度亦调教得恰到好处，牛筋嘅质感相当烟韧软滑！猪肉纸干拌面嘅猪肉纸系卷成一圈，质感相当脆卜卜，由于无放喺汤度浸著，所以干拌面嘅面质更加烟韧弹牙！红烧牛腩地瓜饭嘅牛腩系用一个小煲仔盛载著，牛腩嘅份量相当多，底层仲有啲清甜嘅萝卜，地瓜饭好足料大碗，一嚿一嚿嘅地瓜捞埋入啲饭一齐食，令到口感更加丰富，食落味道感觉好清香，如果觉得比较清淡嘅话，再加埋啲香浓嘅牛腩汁一齐食，感觉会比较惹味！肉燥小茄子嘅茄子好软滑入味，吸收晒香浓嘅酱汁味，而且有爽滑嘅肉燥同香葱粒舖面，令到味道更加惹味芳香！梅子脆薯炸得外层好金黄香脆，入面系香甜嘅蕃薯，而且喺表面再洒上啲梅子粉，酸酸地，感觉好开胃！