川館 (大王東街)

营业中

休息中

谂咗几日，想食川菜，终于约齐人，去咗一间叫「川馆」嘅餐厅。呢个地方平时午餐时间超多人，排好耐队都排唔到，所以点都要收工嚟食一次。我哋叫咗酸菜烤鱼套餐，套餐仲跟咗一啲配菜。酸菜烤鱼啲鱼肉嫩滑，酸菜好爽脆，啲酸菜嘅味道腌制得刚刚好，唔会太酸又唔会太淡。生蚝新鲜，有入口即融既感觉。蒜泥白肉都几香，蒜味同瘦肉嘅配搭好啱。四季豆煮得鲜嫩可口，炒猪颈肉肉质丰富，口感一流，而且啲酱汁好香。最后仲食咗个冰粉，啱啱好，食完晚餐整个甜品，令成果餐画上完美句号。呢间川菜餐厅嘅食物好新鲜，味道正宗，而且价钱唔贵。除此之外，佢哋嘅服务都非常好，啲服务员好友善同热情。收碟嘅速度好快，因为蒜泥白肉𠮶个酱汁好好食，我哋食完想留返，服务员好醒目咁帮我哋换咗细碟，好贴心。我谂我好快会去多次。