影片
更多
2019-10-06
33 浏览
新蒲岗呢个地方一向好少去不过听朋友讲有间串烧好正 佢主打手工串烧今日一试 真心觉得每一样都好正 而且两个店员都非常有礼其实佢做紧生啤买一送一嘅优惠 不过朋友唔好酒 所以我地拣咗普通饮品配串烧 今次食咗呢啲:台湾鸡泡鱼干:同平时韩国手信鸡泡鱼干真系差好远鸡泡鱼干有返少少厚度 好有口感但唔会有鱼腥味 好香口盐烧窝笋,秋葵:烧得啱啱好 窝笋秋葵里面都好juicy 外面有少少咸脆 烧牛舌:厚切牛舌 味道一流 如果可以多少少更佳麻辣蒜蓉茄子:茄子都几足料 系粗身啲𠮶只 一丝丝茄子垫上啖啖蒜蓉同辣酱 好好食盐烧白鳝:好惊喜 外脆内嫩带软滑 而且上菜时好热 拖出黎仲有白烟出麻辣墨鱼咀,炒鸭舌:其实都几麻辣 我嗜辣 所以好适合我 如果唔识得辣就要留意辣度 友人唔食得麻辣 不过佢都食咗超多 因为真系好惹味 得海苔黑豚肉鹌鹑蛋:呢个又系得 三种层次 特别在于佢嘅鹌鹑蛋系有啲流心 令到成个口感更加丰富 Must eat item惹咪咸蛋黄猪大肠:其实我平时一般般猪大肠 因为炸大肠成日有阵味同好肥腻 但呢个串烧无呢个问题 而且有嚼口 喜欢咸蛋黄嘅不妨一试芝士烧广岛蚝:虽然得两只蚝 不过佢用锡纸兜上 所以装咗好
不过听朋友讲有间串烧好正 佢主打手工串烧
今日一试 真心觉得每一样都好正 而且两个店员都非常有礼
其实佢做紧生啤买一送一嘅优惠 不过朋友唔好酒 所以我地拣咗普通饮品配串烧 今次食咗呢啲:
台湾鸡泡鱼干:
同平时韩国手信鸡泡鱼干真系差好远
鸡泡鱼干有返少少厚度 好有口感但唔会有鱼腥味 好香口
盐烧窝笋,秋葵:
烧得啱啱好 窝笋秋葵里面都好juicy 外面有少少咸脆
烧牛舌:
厚切牛舌 味道一流 如果可以多少少更佳
麻辣蒜蓉茄子:
茄子都几足料 系粗身啲𠮶只 一丝丝茄子垫上啖啖蒜蓉同辣酱 好好食
盐烧白鳝:
好惊喜 外脆内嫩带软滑 而且上菜时好热 拖出黎仲有白烟出
麻辣墨鱼咀,炒鸭舌:
其实都几麻辣 我嗜辣 所以好适合我 如果唔识得辣就要留意辣度 友人唔食得麻辣 不过佢都食咗超多 因为真系好惹味 得
海苔黑豚肉鹌鹑蛋:
呢个又系得 三种层次 特别在于佢嘅鹌鹑蛋系有啲流心 令到成个口感更加丰富
Must eat item
惹咪咸蛋黄猪大肠:
其实我平时一般般猪大肠 因为炸大肠成日有阵味同好肥腻 但呢个串烧无呢个问题 而且有嚼口 喜欢咸蛋黄嘅不妨一试
芝士烧广岛蚝:
虽然得两只蚝 不过佢用锡纸兜上 所以装咗好多芝士 好正
鸡皮墨鱼滑:
呢个又系好好食 鸡皮整得好薄唔肥 外脆包住墨鱼滑 又系出色 不过呢个都系好烫口 要小心
冲绳黑糖烧菠萝:
最后食咗菠萝做甜品黎个总结
酸甜菠萝加上黑糖 佢嘅黑糖好似焦糖效果咁 外面有糖脆 非常满足
3 浏览
0 赞好
0 留言
张贴
