影片
更多
2006-12-24
11 浏览
每况愈下之'点解你要呃我姐?!'寻晚同女朋友去完又一城行左个圈，见肚饿就开始商量去边树食晚饭，寻晚又一城劲多人，有好几间高档餐厅都要排队食野，喜兴日子预左多人啦，于是就提议去沙田fish&chip啦，其实个心都凉左一凉，呢间野，真系越做越差，都成半年无去过，就俾次机会佢，记得大概九点前入坐，眼见入坐率有7成----系0，心感不妙，唔想行就坐低左，order 左new york fish, Prawns Fettuccini 同两杯野饮。戏肉黎啦，一个中等身栽男待应走埋黎同我地讲个fettuccini无晒，唔好意思，可唔可以转意粉长通粉，下?!又无?我女朋友的反应快到，女友提番我原来以前黎order呢个又系无晒fettuccini，我都唔记得左啰，咁无办法唯有menu睇过，但系真系无乜野好叫，唯有屈服转长通粉，于事递手叫左令一个女待应黎落order，就讲返要转长通粉，佢讲唔好意思，佢话'fettuccini要等十五分钟，因为要重新煮过d粉'....我问你地系有定无fettuccini? 女侍应话要煮耐少少，点解头先个男待应话无既???佢话无晒㖞??边个讲真??女待应话煮好的fettucc
寻晚同女朋友去完又一城行左个圈，见肚饿就开始商量去边树食晚饭，寻晚又一城劲多人，有好几间高档餐厅都要排队食野，喜兴日子预左多人啦，于是就提议去沙田fish&chip啦，其实个心都凉左一凉，呢间野，真系越做越差，都成半年无去过，就俾次机会佢，记得大概九点前入坐，眼见入坐率有7成----系0，心感不妙，唔想行就坐低左，order 左new york fish, Prawns Fettuccini 同两杯野饮。
戏肉黎啦，一个中等身栽男待应走埋黎同我地讲个fettuccini无晒，唔好意思，可唔可以转意粉长通粉，下?!又无?我女朋友的反应快到，女友提番我原来以前黎order呢个又系无晒fettuccini，我都唔记得左啰，咁无办法唯有menu睇过，但系真系无乜野好叫，唯有屈服转长通粉，于事递手叫左令一个女待应黎落order，就讲返要转长通粉，佢讲唔好意思，佢话'fettuccini要等十五分钟，因为要重新煮过d粉'....我问你地系有定无fettuccini? 女侍应话要煮耐少少，点解头先个男待应话无既???佢话无晒㖞??边个讲真??女待应话煮好的fettuccini无晒，要重新煮过新就会耐d，我地话无问题，十五分钟好正常….
今次唔讲食物质素啦，都系普普通通啦，我觉得呢度比我当初开档时差左好多，少人客反映到呢样野，佢地服务真系好差，无乜礼貌，好似今次去食，佢又话无又话盛要我地拣其他粉，好明显唔想厨房再做，可以做少d等收工，当我地d客死，反而你话要等得耐怕唔怕，转其他会快d，我条气顺d，你做乜要呃我话无姐，前言不对后语，好丑怪啰。
都已经无乜人客架啦，都唔做好少少剩余呢几客，好差好差，水无，服务无，食完走，去厕所，哗，入到去周围都系厕纸无人执，连卫生都唔得…………我谂一般茶餐厅会好过呢度，如果唔系特别想食fish and chip真系无谓黎呢度受气，下次试下避风塘，长时间都唔会黎啦，唔知最后呢度会唔会o系香港消失得无影无？
张贴
