影片
更多
2022-01-18
2552 浏览
唔需要我多讲，应该好多人都知Hugo's个Brunch好难Book，我以前都食过几多佢平日嘅Lunch Set，所以都几期待佢个Brunch，成日问职员都话未来一两个月满晒，又话未开放更后嘅订坐，咁啱最新出咗某某信用卡，就成功用佢个订位服务订到位，一早知呢间餐厅食物选择唔多，主菜只能Order一次，无所谓啦，年纪大，就算咩都任食都食唔到几多，一于奉行「贵精不贵多」嘅原则（被逼、鬼叫个胃唔生性）。前菜黎黎去去都系个啲嘢，唔多讲，要讲嘅就几样：＊火腿切到得咁碎，又比较干，密瓜又硬又无味＊生牛牛tartare个介绍牌写到好利害咁，咩Hugo's Signature，食落唔够滑，唔够嫩，又出晒水咁，入口仲有少少粉状嘅口味，我唔识欣赏啰。＊生蚝我无食，我啲朋友食两三只后都无再拎，佢哋嘅意见系：瘦、无海水味，鲜度一般，最大优点系无壳碎。＊冻龙虾，每人试咗半只就无再拎，呢样最失望，旧年某KOL大赞呢度嘅冻龙虾高汁，我成日跟个位KOL去食嘢都无试过中伏，今次可能由于事隔大半年，加上唔止呢间餐厅，好多食肆响疫情下，一边加价一边偷公减料，入埋啲Cheap货，旧龙虾摆盘嘅时候壳向外，拎返埋位影完相一反转，唔
前菜黎黎去去都系个啲嘢，唔多讲，要讲嘅就几样：
＊火腿切到得咁碎，又比较干，密瓜又硬又无味
＊生牛牛tartare个介绍牌写到好利害咁，咩Hugo's Signature，食落唔够滑，唔够嫩，又出晒水咁，入口仲有少少粉状嘅口味，我唔识欣赏啰。
＊生蚝我无食，我啲朋友食两三只后都无再拎，佢哋嘅意见系：瘦、无海水味，鲜度一般，最大优点系无壳碎。
＊冻龙虾，每人试咗半只就无再拎，呢样最失望，旧年某KOL大赞呢度嘅冻龙虾高汁，我成日跟个位KOL去食嘢都无试过中伏，今次可能由于事隔大半年，加上唔止呢间餐厅，好多食肆响疫情下，一边加价一边偷公减料，入埋啲Cheap货，旧龙虾摆盘嘅时候壳向外，拎返埋位影完相一反转，唔使食用眼睇都知出事，完全全平面好实好干咁，嬲得滞无影相，唔知大家去试下就知，仲差过之前食个啲中下价自助餐嘅冻龙，当时我已经第一时间向职员反映，佢话帮我留意下下一转会唔会有改善，有嘅会拎件俾我试下，点知到埋单都人拎过俾我，再出去拎嘢食时自己都睇过，全部系龙胶都我都费时再试，除咗龙胶，只龙胶钳一样败北，原只任拎，但厨房懒到一个点，每只都好完整，无帮客人开边或整碎先，现场唔见有任何工具提供，咁点食呀？揾叉慢慢「了」啰，了得几了我都唔食了。
＊海鲜选择超级少，计埋三文鱼，就只有沙律虾、白灼虾同冻龙胶，人造鱼子酱恕我唔计在内啦，连加一$922，咩卡都无优惠，我谂唔到佢有咩吸引力，想食牛肋扒平日黎食Lunch Set平几百就得啦。
＊酒店缩皮缩度面包上边，以往餐厅提供嘅面包篮入边至少有三款包，牛油酥最多人like，好多时客人食唔晒仲可以拎走添，但两三个月前已经变咗一枱一个大包一开四，你食就食，唔啱食就无使食，真系人都癫。
＊主菜个牛肋扒一向系餐厅重点菜，无论系Lunch Set、Dinner Set定Brunch都系同一样嘢，无一次令我失望，但呢次直头有惊喜。我记得旧阵时系有个外籍大厨负责即场切，仲会同客人倾下介绍下，家阵变咗一个四眼肥仔厨师切，切得鬼咁薄，咁孤寒做咩？又唔系切佢啲肉！又同客人零交流，改由经理同客人介绍，对上两次平日食Lunch Set（上年9月同12月）都系遇著佢，唉！块牛连1cm都无，唔知佢几时会转职呢？转佢去隔离自助餐厅就好啦！讲番今次旧牛，同枱两个朋友第一次黎食，我极力推荐要牛，一上枱我吓咗一跳，我哋三份牛都叫Medium，我个份第一个上，系rare，一定系rare，你话系raw我都信，另外两份跟住上，外围可能系Medium，中间一定系rare，咁我梗系同经理讲我要Medium，咁生顶唔顺，佢话咁系Medium，咁我只好叫佢grill多阵啰，grill 完出黎三块扒都响晒水，本来都无1cm，依家变晒印度烤饼咁上下薄，而且熟到Medium Well以上，真系好好彩旧牛本身靓，食落唔够滑嫩但大家都觉得好食，唔系真系要换。另一样就系只碟系唔热嘅，食咁多次第一次系咁，以往厨房会暖定碟上菜，今次居然无，唔通换晒班底？
＊最后甜品，正正常常，款唔多但都叫OＫ，无咩好讲，要讲就系自制嘅雪糕，两款雪芭一款云呢拿雪糕，落足料见到好多云呢拿籽，食落口一粒粒咁，唔系啲籽，系冰粒，建议餐厅直接提供盒装雪糕算。
唉~到底发生咩事？间餐厅连最吸引嘅主茶都搞成咁？你话难食我可以讲唔系，但咁嘅价钱真系大把好过佢嘅选择，为乜要咁花时间功夫去订位？成件事最惨嘅系，佢由今个月10号开始可以网上订位，不过要即时网上俾晒全数（旧网上系统永远揾唔到Brunch），我Full Paid咗下个月中8位，大镬，个班友个个食开好嘢，咁嘅质素同价钱点收货？我又即时同职员讲我想取消同退款，佢叫咗经理黎，阿经理都循例对我嘅不满感到抱歉，然后俾张卡片我请我电邮佢讲下有咩唔满意同书面要求取消订位同退款，唉～真心烦～
我同佢讲，叫佢拎件龙虾食一啖就知，我讲两次不过佢都系无咁做......
32 浏览
0 赞好
0 留言
52 浏览
0 赞好
0 留言
49 浏览
0 赞好
0 留言
38 浏览
0 赞好
0 留言
题外话/补充资料：
个Brunch本身包果汁任饮，但饮品无放出黎，要等侍应捧住一大盘十几杯分三款嘅果汁行埋你度俾你拣，我食到第二碟前菜时先有人拎俾我地拣，11点39分坐低，12点几先有第一杯，细细杯两啖就饮完，再等到差唔到2点都无人帮我refill，要等我叫人添饮要有人理我，个场因为防疫政策唔可以坐满，唔多人，但职员更少，我都唔好意思太多要求。我认为所有嘅错一定系管理阶层嘅问题，一定系缩皮，我觉得佢地咁做最后只会做衰个名，香港好多公司就系咁，前年爆肺炎，酒店同饮食业大受打击，曾经佢地都肯落功夫，一系减价一系提升质素，好多餐厅同时咁做添，到旧年疫情叫做受控，市民渐渐出番黎食饭消费，又开始谂点样赚多啲，咁加价咪算啰，呢间餐厅收费都叫中等上少少啦，上两个月先系7百几加一，我食时已经加多一旧水，咁你加多一百几十都唔会影响客路啦，一开始一样一位难求，何必要CUT食物成本呢？真系当食客傻架？Hugo's系咁，上个月食Brasserie on the Eighth又系咁（不过人哋都多嘢食同好食过呢度），唔通要等你地揾水鱼赚够一轮到无晒客啦，先又再改善质素再去吸客咩？今次希望可以取消到下个月嘅订座同退到款啦，退唔到而到时啲嘢食又唔掂，真系惊我班朋友诈形要经理逐碟食物换过啰~唉～
(以上食记乃用户个人意见 , 并不代表OpenRice之观点。)
张贴
