船渦

营业中

休息中

一人一锅嘅火锅就食得多， 原来蒸气火锅都做到，入去装修都好干净整洁，每台用好高嘅竹帘分隔，无论是单人或多人食都能够配合， 而且自己顾自己， 唔需要等蒸几转先分到少少食。我地分别拣左九品芝麻套餐及内务总管套餐，最近做优惠加$1 多只鲍鱼， 二话不说每人都加购一只！两个套餐小食唔同，吉列炸蚝及章鱼烧都意外好味😋 海鲜分量亦好足够同新鲜，蚬无沙亦都粒粒开壳，蒸炉亦好方便，内附计时器，可以拣相应嘅海鲜帮你计算不同嘅煮食时间，够钟会响闹提醒。丸同蔬菜嘅款式亦都好多，有牛丸、墨鱼丸&姜汁猪肉丸。大家记得要出去调配酱料，我觉得辣油最能带出海鲜嘅鲜甜。最后上的南瓜芋头粥，亦都好绵，划上完美嘅句号。