閩港小廚

营业中

休息中

福建炸鸡卷同土笋冻，听就听得多，香港比较少地方有得食嘅，有一晚行北角发现呢间野，仲要10蚊件土笋冻咁平，就梗系入去试吓。原来佢个形状成旧砵仔糕咁，又整得几有喜感，我谂其他地方嘅土笋冻唔系呢个形状？其实成旧野系冇乜味嘅啫喱黎，靠少少醋黎提味（果然系冷盘吓），啲土笋口感似蚬肉，有好轻微嘅腥味啦，唔算系好食，但都过得去。鸡卷真系有啲失望，其实只系肉碎捞马蹄做馅嘅炸物黎，都足料嘅，不过口感唔丰富，食完会觉得酒楼嘅鸡丝炸春卷先至系王道。反而因为想试多样野，而同鸡卷做双拼嘅炸醋肉系几特别。佢有啲似上海排骨嘅做法，但上海排骨咸而炸醋肉酸，醋味其实好中和到食炸物嘅腻感，所以食落几清新。我谂如果可以同上海排骨捞埋黎食就好玩喇。最后嗌多个大路嘅炒粉丝做主食，炒得算有镬气，但都系唔够味，要捞啲豆办酱先好食，可能呢间野整体都系走清淡路线啦。