味竹燒肉店 (已結業)

寻晚(2008年4月20日)挂紧3号风球, 最啱揾埋D朋友食下饭吹下水... 目标就系旧年7月刚开业, 当时唔系好掂嘅日式烧肉店, 今次比个机会佢平反... .前菜--免费?! 咁大只蛤蟆随街跳?!.盐烧厚切牛舌--都好弹牙下, 不过本身冇咩味!.黑椒蒜盐鸡胸软骨--几特别吖, 外面通常系净鸡软骨, 呢树有埋鸡胸肉! (冇咩味again).香草牛油蕃茄--健康之选.北海道松叶蟹石锅饭--好咸, 唔知系咪D蟹嘅海水味呢?!.特选厚切美国顶肉眼--入口好淋身, 好味!.鱿鱼--原只烧都系第一次, 一路烧一路好香鱿鱼味, 配埋朝日啤酒仲会好味好多添... 念起以前旧式戏院门口买烧鱿鱼咁, 即买即剪... 好搞笑.... 柚子雪葩--食完烧烤, 紧要食番个雪葩清一清个种饱饱滞滞嘅感觉, 食完仲好凉快...抽风系统非常强劲, 对眼一D都唔觉得刧, 抵赞!!! 食物嘅质数就几好, 都值得一食嘅, 不过在座4个有3个钟意哈鲁邦多D, 佢都应该比多D心机落D食物嘅味道上面... 相片:http://hk.myblog.yahoo.com/ken-merry/article?mid=1692