影片
更多
2014-02-09
1153 浏览
是日因有要事要去太古城一趟，由于因为突然上海野瘾起，于是经过门口谂都冇谂就入左去。老实讲，喺得太古城住宅区而非商场里面开餐厅，已经知道应该系做街坊生意为主，所以对服务质素都冇乜抱太大期望，只要唔太难食就OK喇！不过，整体服务同一般「街坊茶记」既水平重有一段距离…酸辣汤︰算系比较中规中距，冇乜特别可言。料都算落得几足，只可惜既系味道偏酸，唔系好够辣味，睇黎落醋既比例重手左少少，令到整体口感相对较差。担担面︰Again，好一般，比average重要差。成碗面虽然好似肉碎果D料唔算太多，但都勉强可以接受。反而面质方面十分失望，一食就食得出系用机一早整好，口感极差，一咬即刻散开一旧。而面料重要唔系用生面添，食过咁多次上海野都系第一次有咁既安排！鸡火炒饭︰顾名思异，即系鸡肉+火腿炒饭。配料少得可怜，不过亦都要赞吓厨师既刀功，可以将鸡同埋火腿「粒」切到重细过粒米既size，成碟饭既肉加埋我谂一只手指公既size都冇！而饭方面亦都因为炒得over左少少的缘故，令到饭身因为过多水份流失而相对干身同硬左少少。小笼包︰个包皮够晒薄，算系成餐饭唯一既highlight。只可惜系肉既质素真系好一般，一口咬落去
酸辣汤︰算系比较中规中距，冇乜特别可言。料都算落得几足，只可惜既系味道偏酸，唔系好够辣味，睇黎落醋既比例重手左少少，令到整体口感相对较差。
担担面︰Again，好一般，比average重要差。成碗面虽然好似肉碎果D料唔算太多，但都勉强可以接受。反而面质方面十分失望，一食就食得出系用机一早整好，口感极差，一咬即刻散开一旧。而面料重要唔系用生面添，食过咁多次上海野都系第一次有咁既安排！
鸡火炒饭︰顾名思异，即系鸡肉+火腿炒饭。配料少得可怜，不过亦都要赞吓厨师既刀功，可以将鸡同埋火腿「粒」切到重细过粒米既size，成碟饭既肉加埋我谂一只手指公既size都冇！而饭方面亦都因为炒得over左少少的缘故，令到饭身因为过多水份流失而相对干身同硬左少少。
小笼包︰个包皮够晒薄，算系成餐饭唯一既highlight。只可惜系肉既质素真系好一般，一口咬落去已经食得出应该沟左唔少粉，口感十分「削」，好似食紧街边档果D劣质鱼蛋咁。
整体质素只系喺average之下。值得一提既系佢要收$4一位既茶钱which我觉得完全唔值(杯茶同茶餐厅枱面果杯几乎一样)。同其他comment一样，员工服务态度认真麻麻，十问九唔应，睇黎佢地真系要认真谂吓点样改善。
张贴
