麻布茶房 (已結業)

周日晚谂住食好啲，之前经过乐富分店冇食到，今次就抱著期待既心情黎食，两个人叫左两份$138安格斯西冷，加29蚊自选小食，叫左两份扒都要五成熟，点知其中一份比左全熟，之后等左15分钟左右，换左一份都系七成熟，无奈，扒既卖相系唔错，但质素真系好一般，肉质鞋，跟餐个汁又系败笔，扒既边位完全咬唔到，难听啲讲，仲衰过‘杀你亚’60蚊既肉眼扒，最后讲埋餐厅服务，侍应基本上系机械人模式上身，笑容欠奉唔紧要，工作时间又喺度围威喂讨论自己既大假，用餐完毕后就直接我地野食黎齐未，一话黎齐就直接自动帮我地埋单，大佬啊，收得加一礼貌上系咪都问一问声有无其他需要先好帮我埋单啊？假如客人仲想order甜品但你地次次都咁样自动埋单会唔会觉得做少好多生意？餐厅老板如果仲有心做既唔该重视下啦，或者真心唔好再sell安格斯牛扒，因为一定唔会有下次！！！