沙田強記雞粥 (已結業)

呢间又系出名左好多年,出名食鸡粥,炒面,乳鸽。对上次黎都1,2年前黎,仲记得个鸡粥粥底好绵,好好食。今次2个人叫左4碟𩠌, 叫左炒面,鸡粥,蚝饼蒜蓉白菜仔。炒面:一如以往好食,够镬气, 够干身,加埋辣椒酱一流。鸡粥: 比之前食差左, 粥底都够绵, 鸡都ok, 但好似粥还粥, 鸡还鸡,2种味道, 是否唔系放埋一齐煲? 整体都差左蚝饼: 极差, 黎到哗一声, 份量好大, 但全部都系粉, 完全落唔够蛋, 隔硬都揾唔到啲黎食, 隔硬食左一半就食唔到落去。白菜仔:正正常常无特别不过为左个炒面,间唔中去下都ok, 希望鸡粥下次可以keep番以前水准。