元気寿司 (淘大商場2期)

营业中

休息中

经常见到呢间连锁店好多人，预左要等位，点知原来里面好多位净，唔知系因为人手唔够定系特登营造多人食嘅景象。。星期日黄昏攞飞，无聊地等左半个钟，全部人都喺度嘈。点菜已经用qr code 同自动上菜，点解唔放人入去。三文鱼真系唔靓，唔知系未刀功问题，一块块西瓜片咁，啲寿司饭唔新鲜，硬到一粒粒，似夜晚超市啲寿司，茶又唔够热。天妇罗啲粉唔ok, 似街边煎酿三宝啲粉，又冇天妇罗汁。其实好多年冇食过，同另一间连锁最近好hit 嘅比，实在有啲距离。