壽司派 (已結業)

唔知系咪受过明将之役教训，我而家对寿司要求无以前咁苛刻，依间铺我眼中无其他食评讲得咁差，基本上属于中上水平。是夜我每个种类都试，先讲手卷，用料算几充足，我试佢主题手卷，内里加添辣味肉松，口感几特别，缺点系紫菜唔够脆。军舰方面我试海胆、鱼籽等等，味道都不错，个海胆就淡少少。火炙佢做得唔错，其中带子好大只，而鳗鱼更带有微温，食落有一种暖意。最后值得推荐系鹅肝寿司，每件真系有一大块鹅肝，未有偷工减料。不过佢标价就贵，九蚊同十四蚊绝无仅有，廿蚊以下都无乜好食，相比附近板前始终会被比了下去。