札幌元祖北海道拉麵 (已結業)

上一次帮衬呢间铺头应该系五年前，今次再去就好失望叫左一个芝士盐牛油盐味汤嘅拉面，但系个汤好似就咁用热水加盐咁，好冇诚意。个面就好似喺超市买嘅即食拉面咁……另外，叫左一个浓味拉面，卖相及味道一般。每张枱order拉面可以赠送一客三只饺子。张coupon其实系喺入口有个传单阿姐派嘅，但阿姐冇提过佢手上传单系有coupon， 只系不断话 “食拉面送饺子”， 我谂住反正餐厅入面有餐牌，环保d，所以冇攞到传单。点知，店员话要有coupon先有饺子送， 结果我又要上返地面问阿姐攞𠮶张传单。 个阿姐喺度笑笑口咁单打，话“头先畀你又唔要，而家又要!” d态度呢……另外，舖头内只有两个店员， 其中一个经常去玩电话， 所以极度唔够人。我叫左两次加水，十分钟后都冇人嚟帮我加水，结果我要自己去斟水。咁嘅服务水平，都要收加一服务费，真系有啲无奈。 铜锣湾仲有好多价钱差不多嘅拉面店选择，我谂我以后唔会再返去。