影片
更多
2021-08-02
827 浏览
相信好多热爱韩国文化嘅香港人都有一个目标，就系揾到「韩国味嘅炸酱面」。我都唔例外，喺呢条路上面亦都唔孤独，但可惜今次系想介绍中伏嘅经历。喺openrice上面好评都唔少，「还原到喺韩国食到嘅炸酱面味！」呢啲评语此起彼落。试！即管试！一入到去因为朋友有book位嘅，点知安排咗我哋坐喺隔离烧肉嘅舖头入面，以为两间舖系互通可以烧肉舖叫隔离炸酱面舖嘅嘢食原来系唔得嘅。问咗好耐先知原来炸酱部门系「不设订位」但打电话𠮶阵冇讲，ok咁照等入座。店员服务都系由得你嘅态度咁，食就食唔食就罢啦～同朋友叫咗炸酱面、辣海鲜面짬뽕、糖醋肉、猪脚。炸酱面面体几好食，但𠮶酱唔够甜。辣海鲜面好辣，普普通通。糖醋肉好大份，呢点要赞，而且啲肉有咬口做到糯糯哋嘅口感，个汁都系偏甜。最无言都系猪脚，老实讲，街市烧味舖卖嘅熏蹄仲好食，啲肉好鞋同硬，一定要点佢嘅芥末酱嚟食，配菜嘅海蜇（唔知点解系海蜇）一啲味都冇又系一定要点个汁食，但个汁因为系芥末会几呛鼻，成件事好好笑，呢样喺完完全全同「韩式猪脚」扯唔上关系嘅菜式。可能同朋友有食过更加好食而且服务态度好好多嘅韩式餐厅，所以期望会高咗。下次再去食好食啲嘅𠮶间一定会再介绍（喺尖东㗎且
喺openrice上面好评都唔少，「还原到喺韩国食到嘅炸酱面味！」呢啲评语此起彼落。试！即管试！
一入到去因为朋友有book位嘅，点知安排咗我哋坐喺隔离烧肉嘅舖头入面，以为两间舖系互通可以烧肉舖叫隔离炸酱面舖嘅嘢食原来系唔得嘅。问咗好耐先知原来炸酱部门系「不设订位」但打电话𠮶阵冇讲，ok咁照等入座。
店员服务都系由得你嘅态度咁，食就食唔食就罢啦～
同朋友叫咗炸酱面、辣海鲜面짬뽕、糖醋肉、猪脚。炸酱面面体几好食，但𠮶酱唔够甜。
辣海鲜面好辣，普普通通。
糖醋肉好大份，呢点要赞，而且啲肉有咬口做到糯糯哋嘅口感，个汁都系偏甜。
最无言都系猪脚，老实讲，街市烧味舖卖嘅熏蹄仲好食，啲肉好鞋同硬，一定要点佢嘅芥末酱嚟食，配菜嘅海蜇（唔知点解系海蜇）一啲味都冇又系一定要点个汁食，但个汁因为系芥末会几呛鼻，成件事好好笑，呢样喺完完全全同「韩式猪脚」扯唔上关系嘅菜式。
可能同朋友有食过更加好食而且服务态度好好多嘅韩式餐厅，所以期望会高咗。下次再去食好食啲嘅𠮶间一定会再介绍（喺尖东㗎且超级 #隐世 ）\( ¨̮ )/
张贴
