聚 (廣德樓) (已結業)

點做到㗎，點做到㗎，點做到㗎！啲雞翼就快冇位擺啦，都只係$35咋，仲想點呀！有圖有真相，一碟炸雞翼太陽蛋飯，太陽蛋下面係滿滿嘅白飯，而在震撼嘅就係圍邊嘅炸雞翼，為到好似唔駛錢咁。啲雞翼炸得好好食呀，首先雞翼本身已經夠味，炸漿都有味，最後我仲食到有椒鹽味應該係喺面度再沈多一陣椒鹽，好香口好惹味。最後我竟然食唔晒呀，平時係好多地方買外賣食，都會覺得唔夠飽，但我竟然比呢碟炸雞翼太陽蛋飯K.O.左 ，d飯食唔晒，唔通我戰鬥力弱咗，定係碟炸雞翼太陽蛋飯太足料？