MOS Burger (粉嶺中心)

营业中

休息中

之前食过Mos Burger都觉得几好食,但呢间分店完全唔得…首先,买完嘢打单出嚟,发现个价贵过水牌一截,本来以为系某一项个价set错咗,点知原来点咗四项,每项都错…最后问收银,先支支吾吾咁话可能打咗外卖价,但明明写住dine in...结果原来一共收多成24蚊!无check单的话,就会俾人呃咗一截了!等咗差不多三个字,嘢食终于到。薯条一睇油淋淋的,明显唔系新鲜炸起,而且完全唔热,大概系比室温暖少少…仲有部份明显系翻炸,而且偏㶶。鸡块同样系唔热,成件软腍腍咁,而且味道一般。牛肉堡味道唔错,钟意佢嘅酱汁有好香嘅肉味。而另一个饭堡就无乜特别。去食嘅时候并唔多人,但系由收银至出餐都好似好忙好乱咁…而且食物质素有待改善。