相撲手日式放題 (已結業)

日式放题唔系特别好食系正常既，但每间都总有某几样好食，先会吸引到人去。呢间野最大的特点唔系野食，系佢中途叫卖的限量食品，生𧐢，汤，甜品个d。讲真食得放题任食先系正常加麻，又要排队，又要打卡，又要抢，d野又唔系咩贵野，又唔系好食。不过争到反泥人冇我有的心理作用，好似将d野食升华到另一个层次，所以个个都举手举得咁开心。野食方面三文鱼，带子系ok既，蟹粥系好食既。其他就唔好题喇，个个都推荐的烧羊架都成啖油，d即开生𧐢睇住佢连壳都合唔埋，仲叫咩「生」𧐢，几时开都一样啦。最惨既系反到屋企仲要肚疴（我地5个人去，2个疴，o个日净系一齐食过放题姐）咁我都不排除系我地两个同时身子/抵抗力差既可能性既。个人认为呢间野不但算唔上好食，连抵食都算不上。