和処 酒肴 (已結業)

系香港食过唔少omakasae,质素都唔错，呢间都唔例外，但系对呢间既印象系特别深刻，因为佢唔止刺身寿司做得好，连热食都系惊喜之作！我地首先食左个头盘前菜，非常精美，靓到唔系好舍得食。我最钟意系黑松露蛋卷，浓浓既黑松露加埋绵绵既蛋卷，超好食。之后黎左个刺身拼盘— 生蚝、䲞鱼、𫠒红鱼。刺身刀功好好，睇得出系一刀过，干净利落。生蚝最出色，重蚝味，蚝身鲜甜爽口。之后系海鲜锡纸烧，热辣辣，同刺身形成强烈对比，好惹味！主角黎啦！寿司8贯——油甘鱼、牛尾鱼、黑曹以、石鲷、绿侧、北寄贝、金目鲷。鱼鲜甜就不在话下，寿司饭唔松散，实净！饭加左赤醋令鲜味提升！非常之优秀。而最后一道三文鱼文+海胆就令我最深刻，海胆非常鲜甜同甘香，加埋三文鱼子，真系不得了。谂住食哂寿司就接近尾声，原来之后黎既咖哩饭同样出色，一d都唔马虎，咖哩超香，辣度适中。加埋黄梅酱，真系食指大动，几下就食哂成碗咖哩饭。食埋甜品就完满结束。所有细节都做得好完美，无可挑剔既一餐omakase, 唔止刺身寿司出色，咖哩饭锡纸烧都非常精彩！