茹素食 (已結業)

话说平时经过茹素食，我会外买斋卤味，尤其斋鸭肾，心软兼边微硬，食落口感似足真鸭肾；个汁做得好好味，鲜甜唔抢喉！今日经过茹素食买外卖，有位sales话有新鲜出品，用比利时进口材料做的朱古力，一盒4粒卖HK$60.00。 见红色盒，又有金色带包装，好有节日气份，买佐试试！ 两个酒味，一个钻石型的香槟酱馅，一个干邑软身松露，超软滑；另外两粒脆脆，黑朱古力包脆片、杏仁、提子干，白朱古力包酸酸的脆脆和朱古力脆珠。 酸酸的脆脆好似红桑子味，再经过时要问一问系乜料？ 4款的甜道唔太甜，带出佐朱古力和每款的特征味道，非常平衡。用比利时进口材料做，呢个价钱就唔贵啦！