東湖小廚聯威餐廳

营业中

休息中

是日去铜锣湾公干，做完野望下表，已经到左7点钟食饭时间，肚饿丁咕咕声，就系食铜锣湾医埋肚先走但铜锣湾人多车，想揾位都难人。咁岩见到呢间系一楼嘅茶餐厅，上到去发现位置大，同埋价钱真心平民价。当对面街一碗馄饨面可以卖成四十，呢度四十左右可以食埋饭了。一场黎到，当然要叫招牌菜！所以叫左呢度号称招牌嘅皇袍叉烧饭。究竟一个叉烧饭可以点样成为招牌呢？皇袍系指蛋包饭。蛋色鲜艳，切开黎睇，见到啲蛋好厚肉，仲有滑蛋效果，蛋浆慢慢流出，食落质感仲好滑。至于叉烧呢？以国际知名法式高尚食府，大家乐，嘅术语，呢到叉烧厚度绝对称得上系比厚切更厚切(足够加钱收多你几蚊架)。入面肥瘦均匀，七瘦三肥，入口有口肉汁，烧得香口有味，又煮得相当唔错㖞。试下新鲜事物一向系我做人嘅宗旨，所以叫左呢个原粒柑桔。拮下粒柑桔先，E，一睇，原来系咸柑桔！！！真系有种家的感觉，好耐都无再饮过咸柑桔了，只有小时候，系我生病咳，我婆婆先会为我冲上一杯爱心咸柑桔，估唔到廿多年后，可以再次尝回。 另外，餐牌上仲有滚水碌鸡蛋既传统饮品，真系有种回到过去既感觉。