悅滿軒

食lunch set，头盘有沙律，面包同蘑菇汤。沙律好食。菜新鲜，酱汁系有啲橙同柚子嘅味，好fresh。面包有啲蕃茄同唔知咩nuts系入面，我就麻麻呢只味，俾左一小口牛油，但个牛油无乜味唔香，提升唔到面包嘅味。个蘑菇汤开头饮个几啖就够晒菇味觉得唔错，但我谂佢加得多面粉（我有煮过所以我知系会落面粉去令佢杰身），好浆口，越饮就开始无左菇味，粉味劲，而且仲有啲溜。主菜系香煎龙虾配龙虾汁risotto卖相系几好，半只龙虾，橙橙红红的确令人食欲大增。龙虾用芝士焗左，但过左火，好靭，嘥左只龙虾。到个risotto，个饭太淋啦，粥咁，搅到好滞，但个汁就唔错嘅。我再加左$68要左个tiramisu。唉，一食落口，我无食过呢种味嘅tiramisu。就算平价饼店啲tiramisu都好食过呢个。呢个完全无酒味，无芝士味，得阵假甜味，我呢个甜品焚化炉都搞唔掂，食剩1/4。埋单$300，唔系话好贵，但真系价钱同味道唔成正比。