燒鳥 (已結業)

睇到Hot Gossip 呢排有人讲开呢度，今日就一条友走去食个Lunch.其实我经常经过附近，但一次都冇入过去，因为这里的门口实在几"up dub"，又经常贴住18蚊一个饭，以前我真系以为佢系由香港人搞，类似屋快餐店咁，同埋周围外貌比他好的食店实在多的是。叫个串烧饭，包括鸡翼两只，鳗鱼两件，金菇牛柳卷，仲有个面豉汤，18蚊真系冇乜要求了，d 饭就硬d。发现到老板有个习惯，就系当佢上d饭时，佢会将预备定的找钱数目放低埋，例如我系18蚊，佢就谂住我一定会比20蚊，所以佢先将两蚊放低。如果当时少人梗系冇问题，如果多人，分分钟放低钱行左去唔记得都唔出奇。我后面有三个女士，叫了共$54蚊的食，佢放低左$6蚊后，就走左去招呼第二客，搞到3 个女士都唔知点好！老板，我真系担心你一日会送几多钱比人呀，省埋省埋够你交电费啦！见老板好似好可怜咁，一脚踢，又唔系好识讲广东话，大家如果有行开呢个头，试下食物就当帮下手law,反正咁平，香港好客之道ma!话时话，我今日见唔到佢张电费最后通知单，希望佢已经搞掂啦！