影片
更多
2011-03-12
99 浏览
两年前黎食过,系庆祝生日,当时觉得唔错唔错,book台时仲拣左海景位,又好食,环境又好...几钟意佢d碟,几靓,好越式feel今次系好夜去食,差唔多10点...冇book位,佢收11点o既...我地去到都有位,冇海景位坐呀,唔紧要啦...我地太肚饿喇,有得坐底食野就得...叫左7样野,本来8样,个薄饼卖晒...鲜茄蟹肉汤檬, 听闻系最出名o既,上次黎好似冇食,今次一定要食返先,好淡o既蕃茄汤,有d蟹肉,两粒蟹丸,好多苋茜...我就觉得麻麻喇,唔系出色之作,好淡啦,冇蟹味啦...不过当清清地咁食都ok o既..但唔系特别好食...如果话系招牌菜呢..就好似唔得㖞...香茅猪扒捞檬, 个样唔差,檬粉都ok,加埋鱼露,配料都冇乜问题,衰就衰在块猪扒....劲硬劲韧呀,咬得我地几辛苦,就算个味ok都唔pass啦,就算唔落松肉粉,都应该系咁二都用刀拍下块猪扒...真系食到牙都甩....软壳蟹米纸卷,系入面又有软壳蟹,又有朦粉,又有d青瓜,萝卜丝咁..味道唔错,软壳蟹都冇炸到好干净净,好有肉地,加上d配料,再点d鱼露,都几好食大虾柚子沙律, 两只大串烧虾,都唔系太雪味,接受o既...d柚子都好多,
今次系好夜去食,差唔多10点...冇book位,佢收11点o既...我地去到都有位,冇海景位坐呀,唔紧要啦...我地太肚饿喇,有得坐底食野就得...
叫左7样野,本来8样,个薄饼卖晒...
鲜茄蟹肉汤檬, 听闻系最出名o既,上次黎好似冇食,今次一定要食返先,好淡o既蕃茄汤,有d蟹肉,两粒蟹丸,好多苋茜...我就觉得麻麻喇,唔系出色之作,好淡啦,冇蟹味啦...不过当清清地咁食都ok o既..但唔系特别好食...如果话系招牌菜呢..就好似唔得㖞...
香茅猪扒捞檬, 个样唔差,檬粉都ok,加埋鱼露,配料都冇乜问题,衰就衰在块猪扒....劲硬劲韧呀,咬得我地几辛苦,就算个味ok都唔pass啦,就算唔落松肉粉,都应该系咁二都用刀拍下块猪扒...真系食到牙都甩....
软壳蟹米纸卷,系入面又有软壳蟹,又有朦粉,又有d青瓜,萝卜丝咁..味道唔错,软壳蟹都冇炸到好干净净,好有肉地,加上d配料,再点d鱼露,都几好食
大虾柚子沙律, 两只大串烧虾,都唔系太雪味,接受o既...d柚子都好多,但就唔够juicy喇...今次食好似麻麻地咁,上次食正d...
牛油鸡翼, 唔算大只,唔够牛油味...不过都唔系差...但一碟得4只少左d...
香芋大虾饼, 原来系甜吃咁,炸到好香口,但就好似有奇怪,d虾就摆上面,虽然我就好like食芋头,但就冇芋头香,唔够粉, 只系香口取胜...好热气...
炒杂菜, 有d腰果,唔同o既菜,好似叫咩野高菜,个味唔知点讲,少少似虾膏少少似南乳咁....都几油架,麻麻地...
都已经几full下,冇叫甜品,10点几都last order喇,今次食就觉得麻麻地,系最差个猪扒,其他都ok...希望如果再去的话,有改善啦...
张贴
