一粥麵 (置富第一城‧樂薈)

营业中

休息中

睇完某杂志介绍，一直心思思想试下，今天因为买唔切𩠌，终于有机会来试下。粥底火㶽有两款，个人觉得醉鸡㶽比海鲜肥牛好味和抵食。首先，醉鸡有少少酒香，而且烚左几耐都好，鸡肉都一样滑👍🏻，其他配料方面丶猪润够厚，好有口感丶云吞亦用足料，粒粒都有一至两只虾，不过，鱼腩则比较多碎骨和油炸鬼因为湿左，所以唔脆。至于海鲜肥牛火锅，主角是帆立贝，粒帆立贝够厚身，亦算新鲜，但洗得唔够干净。但三色手打丸则麻麻，墨鱼味果粒，仲好似有D臭。肥牛系普通货色，约有五至六片。整体而言，$78海鲜肥牛火锅vs$58醉鸡火锅，后者大获全胜。